आंकणो है संयम रो मोल
Ankano Hai Sanyam Ro Mol
206
आंकणो है संयम रो मोल — Lyrics
आंकणो है संयम रो मोल आंकणो है संयम रो मोल। मुट्ठी में मनड़ै नैं राखज्यो।। ल्यो अपणी आतमा नैं तोल। मुट्ठी में मनड़े नै राखज्यो।।
१. ओ मन अगम्य अपरम्पार पारावार है, ऊठै संकल्पां-विकल्पां रा ज्वार है। कल्पना री नाना किल्लोल।।
२. हवा स्यूं भी तेज थारै मनड़ै री चाल है, इण नें जो रोकलै बो हो ज्यावै न्याल है। मुश्किल मिटावणी आ छोल।।
३. ओ मन है चंचल तुरंग बिना बाग रो, कूद फांद रात प्रात राखै उजागरो। रोको हियै री हिल्लोल।।
४. लंबी उड़ाण भरै पंखी बे पांख ओ, दूर-दूर झांख झांखै के है बे आंख ओ। पैरां बिना ओ भटकोल।।
५. अंकुश में रह्यां मदवै हाथी री शान है, अंकुश ने लांघ सबने करै परेशान है। त्यूं ही ल्यो मन नें टंटोल।।
६. दोरो हटावणो है मन स्यूं विकार नै, एक मन ने जीतणो है जीतणो संसार ने। साचो ओ आगम रो बोल।।
७. भौतिक प्रलोभन अनेक भांत-भांत रा दीखती दुनिया में एक-एक स्यूं है सांतरा। हियड़ो हो ज्यावै डांवाडोल।।
८. होवै एकाग्र जीव मनो-गुप्ति गुप्त ही, संयम री साधना में जागतो सुषुप्त भी। वृत्यां पर करड़ी कन्ट्रोल।।
९. सीखो हमेश मन ने अपणै वश राखणो, माता रो मान राखो समरस जो चाखणो। 'तुलसी' री सीख है सतोल।।
Roman Transliteration
ankano hai sanyam ro mol ankano hai sanyam ro mol. mutthi men mandai nain rakhajyo.. lyo apani atama nain tol. mutthi men mande nai rakhajyo..
1. o man agamya aparampar paravar hai, uthai sankalpan-vikalpan ra jvar hai. kalpana ri nana killol..
2. hava syun bhi tej tharai mandai ri chal hai, in nen jo roklai bo ho jyavai nyal hai. mushkil mitavni a chhol..
3. o man hai chanchal turang bina bag ro, kud phand rat prat rakhai ujagro. roko hiyai ri hillol..
4. lambi udan bharai pankhi be pankh o, dur-dur jhankh jhankhai ke hai be ankh o. pairan bina o bhatkol..
5. ankush men rahyan madvai hathi ri shan hai, ankush ne langh sabne karai pareshan hai. tyun hi lyo man nen tantol..
6. doro hatavno hai man syun vikar nai, ek man ne jitno hai jitno sansar ne. sacho o agam ro bol..
7. bhautik pralobhan anek bhant-bhant ra dikhti duniya men ek-ek syun hai santra. hiydo ho jyavai danvadol..
8. hovai ekagra jiv mano-gupti gupta hi, sanyam ri sadhna men jagto sushupta bhi. vrityan par kardi kantrol..
9. sikho hamesh man ne apanai vash rakhno, mata ro man rakho samaras jo chakhno. 'Tulsi' ri sikh hai satol..