जय-जय स्वामी हो भिक्षू_गुण-मणि-दरिया।
Jay-Jay Swami Ho Bhikshu_gun-Mani-Dariya.
1195
जय-जय स्वामी हो भिक्षू_गुण-मणि-दरिया। — Lyrics
जय-जय स्वामी हो भिक्षू_गुण-मणि-दरिया। त्रिभुवन नामी शिवसुख-कामी निर्मल जिण री किरिया।।
१. आदिनाथ अवतार आर पंचम में प्रकट्या भारी। भिक्षू भरत मझार सार मिथ्या तम दूर निवारी।।
२. मरुधर देश कंटालिंय ग्रामे शाह बल्लू इण नामे। दीपां नारा अति हितकारी प्रसव्यो सुत शुभ यामे।।
३. तंयासीये जन्म भिक्षु रो पुण्योदये पिछाणो। अष्टादश आढठे ग्रहि दीक्षा द्रव्ये गुरु पे जाणो।।
४. पनरे प्रतिबूइया हद सूझ्या सूत्र अर्थ सुविचारी। दोय वर्ष लग चरचा करि ने सतरै चरण सुधारी।।
५. सावद-निरवद धर्माधर्म व्रताव्रत भेद बताया। दान-दया आज्ञा-अनुकंपा भिन्न-भिन्न दरसाया।।
६. धुर मर्यादा वर बत्तीसे चरम वर्ष . गुणसट्ठे। भारिमाल निज पट्टे थापी कियो लिखत गहघटूठे।।
७. शिष शिषणी करवा गुरु नामे दीक्षा दिए किवारे। गुरु-सन्मुख सहु आण सूंपणा ममता-भाव निवारे।।
८. गुरुआज्ञा स्थूं शेषकाल चउमास विचाले रहिवो। अन्य काम पिण गुरु-आज्ञा बिण करवा पग नहिं बहिवो।।
९. गण बाहिर इक बे त्रिण आदी निकलै कर्म प्रतापे। तीर्थ मांहि तेहनै नहिं गिणवा, गुरुआणा उत्थापे।।
१०. निंदक च्यार तीर्थ रा गिणवा, तिण ने जो कोइ वांदे। ते पिण जिन-आज्ञा बाहिर है. आप आपर छांदे।।
११. गण बाहिर हो गण गणिवर रा अवगुण किम बोलाए। जांचे लिखे परत-पानां जो ते पिण गुरु नेश्राए।।
१२. इत्यादिक मर्यादा स्वामी बांधी विविध प्रकारो। देश-प्रदेशे विचरी प्रभुजी तायया मनुज हजारों।।
१३. विचरत विचरत अन्तिम पावस कीधोपुर सिरियारी। भारिमाल ऋषिराय आदि दे संत साथ सुविचारी।।
१४. किंचित कारण प्रगट्यो तन में तो पिण मन दृढ़ता री। स्वयं गोचरी आप पधारै पुर बाहिर बलि धारी।।
१५. श्रावण सुद पूनम तक कीधी स्वयं गोचरी रंगे। भाद्रव-मासे पर्व पजूषण आयो अति उचरंगे।।
१६. अंग-रुजा दिन-प्रतिदिन बधती जाणी स्वाम सलूणां। आलोवण विध-विध स्यूं करता किण ही बात न ऊणां।।
१७. गण-मांही अथवा गण-बाहिर तास खमावै स्वामी। छमच्छरी रो वास खास करवायो अन्तरयामी।।
१८. छट्ठ पारणो कियो प्रभू पिण आ'र न जरा जययो है। सातम आठम नवमी दिन पिण दिल वेराग धस्यों है।।
१९. दसमी दिन दस मोठ चावल चाली गिण आ'र लियो है। ग्यारस्त रो उपवास अमल पाणी आगार कियो है।।
२०. बारस दिन बेलो कर इम ही तन तोल्यो गणिराया। पगले-पगले पक्की हाट पधारदा स्वाम सुहाया।।
२१. नमोत्यु णं तन मन दृढ़ करि नै ऊंचै शब्द उचारो। बहु-जन बहु मुनि सुणतां गणिवर पचख्यों है संथारों।।
२२. नरनारी बहु ग्राम-प्राम रा आवै दर्शन काजे। अति सुख पावै मन हषवि गावै गुण सुखसाजे।।
२३. पो'र एक जाझो दिन चढ़ियां उदक पियो निज हाथे। डोढ़ पो'र चढ़ियां वच उचरै स्वामी बात हि बाते।।
२४. संत-सती आवै है जावो रहामा मुनिवर धावो। आ भिक्षू री वाणी सृण ने इचरज जन-जन चावों।।
२५. लोकां जाण्यो स्वामी रो मन वसियो संत-सत्यां में। इतले वेणीराम कुसालो संत-युगल पद नामे।। २६. नमण करी गुणग्राम करंतां मस्तक कर निज दीधो। इतलै साधवियां रो आयो, सिंघाडो इक सीधो।।
२७. ओ कोइ अवधिज्ञान ऊपनो आगम बात बताई। के कोइ अटकल अकल अनोखी जाण रह्मा जिनराई।।
२८. इंगित लख भिक्षु स्वामी रो, बैठा किया तिवारै। कर रहारो राखी ने मुनिवर गणि-गुणग्राम उचारै।।
२९. डोढ पहर अवशेष रह्थो दिन भिक्षू गुण भंडारी। सुखे समाधे शान्त दांत प्रभु पहुंता सुरंग मझारी।।
३०. तेरह खंडी मंडी तेज प्रचंडी खूब सझाई। ओच्छब-मोच्छब कीधा. बहुधा सांसारिक सुखदाई।।
३१. अष्टादशश साठे गहघाटे भाद्रव: सित पहचाणो। तेरस सात पोर संथारे स्वर्गास सुख माणों।।
३२. अति उपकारी शुद्धाचारी अप्रतिहत गतिधारी। दुरित-निवारी कर्म-कटारी धन्य-धन्य जगतारी।।
३३. आसन दूजे भारिमाल गुणमाल पछ्ठेऋषिराया। जीत जबर जयलच्छी वरता मघ माणक मुनिराया।।
३४. सप्तम डाल गणाधिप कालू अष्टम झंड जमायो। देश-प्रदेश दसूंदिश भूम-गगन में जस जश छायो।।
३५. उगणीसे चोराणूं चंगो बीकाणै चउमासो। भिक्षु चरम कल्याण महोत्सव चिहुं तीरथ सुखवासो।.
३६. मुनिवर पांच तीस गुणधारी श्रमणी सखर सुरंगी। च्यार तीस निश दीस अराधे गुरुनआणा इकरंगी।।
Roman Transliteration
jay-jay Swami ho bhikshu_gun-mani-dariya. tribhuvan nami shivsukh-kami nirmal jin ri kiriya..
1. Adinath avatar ar pancham men prakatya bhari. bhikshu bharat majhar sar mithya tam dur nivari..
2. marudhar desh kantaliny grame shah ballu in name. dipan nara ati hitkari prasavyo sut shubh yame..
3. tanyasiye janma Bhikshu ro punyodye pichhano. ashtadash adhathe grahi diksha dravye Guru pe jano..
4. panre pratibuiya had sujhya sutra artha suvichari. doy varsha lag charcha kari ne satrai charan sudhari..
5. savad-niravad dharmadharma vratavrat bhed bataya. dan-daya ajna-anukmpa bhinna-bhinna darsaya..
6. dhur maryada var battise charam varsha . gunasatthe. bharimal nij patte thapi kiyo likhat gahaghtuthe..
7. shish shishni karva Guru name diksha die kivare. Guru-sanmukh sahu an sumpna mamta-bhav nivare..
8. guruajna sthun sheshkal chaumas vichale rahivo. anya kam pin Guru-ajna bin karva pag nahin bahivo..
9. gan bahir ik be trin adi niklai Karm pratape. tirtha manhi tehnai nahin ginva, guruana utthape..
10. nindak chyar tirtha ra ginva, tin ne jo koi vande. te pin Jin-ajna bahir hai. ap apar chhande..
11. gan bahir ho gan ganivar ra avagun kim bolae. janche likhe parat-panan jo te pin Guru neshrae..
12. ityadik maryada Swami bandhi vividh prakaro. desh-pradeshe vichri prabhuji tayya manuj hajaron..
13. vicharat vicharat antim pavas kidhopur siriyari. bharimal rishiray adi de sant sath suvichari..
14. kinchit karan pragatyo tan men to pin man dridhta ri. svayam gochri ap padharai pur bahir bali dhari..
15. shravan sud punam tak kidhi svayam gochri range. bhadrav-mase parva pajushan ayo ati ucharnge..
16. ang-ruja din-pratidin badhti jani svam salunan. alovan vidh-vidh syun karta kin hi bat n unan..
17. gan-manhi athava gan-bahir tas khamavai svami. chhamachchhari ro vas khas karvayo antaryami..
18. chhattha parno kiyo prabhu pin a'r n jara jayyo hai. satam atham navmi din pin dil verag dhasyon hai..
19. dasmi din das moth chaval chali gin a'r liyo hai. gyarasta ro upavas amal pani agar kiyo hai..
20. baras din belo kar im hi tan tolyo ganiraya. pagle-pagle pakki hat padharda svam suhaya..
21. namotyu nam tan man dridh kari nai unchai shabda ucharo. bahu-jan bahu Muni suntan ganivar pachakhyon hai santharon..
22. narnari bahu gram-pram ra avai darshan kaje. ati sukh pavai man hashvi gavai gun sukhsaje..
23. po'r ek jajho din chadhiyan udak piyo nij hathe. dodh po'r chadhiyan vach ucharai Swami bat hi bate..
24. sant-sati avai hai javo rahama munivar dhavo. a bhikshu ri vani srin ne icharaj jan-jan chavon..
25. lokan janyo Swami ro man vasiyo sant-satyan men. itale veniram kusalo sant-yugal pad name.. 26. naman kari gunagram karntan mastak kar nij didho. italai sadhviyan ro ayo, singhado ik sidho..
27. o koi avadhijnan upano agam bat batai. ke koi atakal akal anokhi jan rahma jinrai..
28. ingit lakh Bhikshu Swami ro, baitha kiya tivarai. kar raharo rakhi ne munivar gani-gunagram ucharai..
29. dodh pahar avashesh rahtho din bhikshu gun bhandari. sukhe samadhe shanta dant Prabhu pahunta surang majhari..
30. terah khandi mandi tej prachndi khub sajhai. ochchhab-mochchhab kidha. bahudha sansarik sukhdai..
31. ashtadashash sathe gahghate bhadrav: sit pahchano. teras sat por santhare svargas sukh manon..
32. ati upakari shuddhachari apratihat gatidhari. durit-nivari Karm-katari dhanya-dhanya jagtari..
33. asan duje bharimal gunmal pachhtherishiraya. jit jabar jayalachchhi varta magh Manak muniraya..
34. saptam dal ganadhip Kalu ashtam jhand jamayo. desh-pradesh dasundish bhum-gagan men jas jash chhayo..
35. uganise choranun chango bikanai chaumaso. Bhikshu charam kalyan mahotsav chihun tirath sukhvaso..
36. munivar panch tis gundhari shramni sakhar surngi. chyar tis nish dis aradhe gurunaana ikarngi..