जीवड़ला आंख उघाड़लै जागण री बेला आई,
Jivadla Ankh Ughadlai Jagan Ri Bela Ai,
1066
जीवड़ला आंख उघाड़लै जागण री बेला आई, — Lyrics
जीवड़ला आंख उघाड़लै जागण री बेला आई, जागण री बेला आई, क्यूं मुख मुद्रा अलसाई।।
सूत्यां-सूत्यां अरे नींद में कित्तो समय गंवायो, दर-दर री ठोकर खातां तूं नीठ मिनख भव पायो, ओ निधियां रो भंडार जी, ओ है मुगति रो द्वार जी, थारै तप रो ओ प्रभाव है कीमत मत बिसराई।।१।।
च्यार दिनां रो ओ च्यांदणियो फेर रात अंधियारी, पतझड़ री रुत आसी इक दिन मुरझासी फुलवारी, सांसां रो के विश्वास जी, अै खिण भर रा उल्लासजी, छोटे सै इण जीवन में तू करजै सदा भलाई।।२।।
औरों री चिन्ता तजकर तूं अपणी चिन्ता करलै, सद्गुण रै फल-फुलडां स्यूं तूं अपणी झोली भरलै, कर सब स्यूं सद्व्यवहारजी, रख शुद्धाचार विचारजी, उजली जीवन री चादर पर तूं मत दाग लगाई।।३।।
जिणनैं तूं अपणो मानै है बै इक दिन ठुकरावै, बालू री दीवार पतो नीहं कद कांई ढह ज्यावै, क्यूं भूलै है आ बात जी, कोई नहीं चालै साथ जी, 'विजय' जोड़ प्रभु स्यूं इकतारी, करलै धर्म कमाई।।४।।
Roman Transliteration
jivadla ankh ughadlai jagan ri bela ai, jagan ri bela ai, kyun mukh mudra alasai..
sutyan-sutyan are nind men kitto samay ganvayo, dar-dar ri thokar khatan tun nith minakh bhav payo, o nidhiyan ro bhandar ji, o hai mugti ro dvar ji, tharai tap ro o prabhav hai kimat mat bisrai..1..
chyar dinan ro o chyandniyo pher rat andhiyari, patajhad ri rut asi ik din murjhasi phulvari, sansan ro ke vishvas ji, ai khin bhar ra ullasji, chhote sai in jivan men tu karjai sada bhalai..2..
auron ri chinta tajakar tun apani chinta karlai, sadgun rai phal-phuldan syun tun apani jholi bharlai, kar sab syun sadvyavharaji, rakh shuddhachar vicharji, ujali jivan ri chadar par tun mat dag lagai..3..
jinnain tun apano manai hai bai ik din thukravai, balu ri divar pato niham kad kani dhah jyavai, kyun bhulai hai a bat ji, koi nahin chalai sath ji, 'vijay' jod Prabhu syun ikatari, karlai Dharm kamai..4..