कहै किसनोजी चाल-चाल
Kahai Kisnoji Chal-Chal
1265
कहै किसनोजी चाल-चाल — Lyrics
कहै किसनोजी चाल-चाल कहै किसनोजी चाल-चाल भारीमाल! भीखणजी थांरै कांई लागै, काढे आंख्या लाल-लाल भारीमाल! भीखणजी थांरै कांई लागै, खांचै बावलियो झाल, चाल भारीमाल! भीखणजी थारै...।।
1. अट्ठारै-सै-चोकै मंगल, आखातीज जलम थारो। पांच बरस रो छोड़ मरी थारी, मां दूजो कुण साहारो। कित्तो दोरो पाल र मोटो करयो, जीव जाणै म्हारो, तूं भावी री ढ़ाल, नाव री हाल।
2. मनै न राखै स्वामीजी तो, मैं भी तनै कियां छोडूं, बुढ़ापै रो स्हारो लकड़ी, तोड़ भला क्यूं दु:ख ओढूं। एक घाव दो टूक बात है, लौढेड़ै ने के ओढ़ूं, झूठो जिद मत झाल लाल! खुशहाल।
3. सोहरो घणो राखस्युं नान्हां, तनै अहल नहिं आवण द्यूं, तावड़ियै में दूर गोचरी-पाणी, तनै न जावण द्यूं। इसो-बिस्यो अणगम्यो उतरतो, तनै कदै नहीं खावण द्यूं, म्हारै साहमो न्हाल, छोड़ पंपाल।
4. बोले भारीमाल अजी, मोटा पुरूषां! मनै समझाओ, छोड़ दिया संसार, बाप-बेटा रो अबै किसो दाओ। थांरै हाथ रो अन्न-जल ल्यूं तो, त्याग मनै मत ले ज्यावो, सुणतां उठ्यो उबाल भीम भूचाल।
5. घींस’र लेयग्या ऊंचो-नीचो, ले'र मनावै समझावै, बेटो मूण न खोलै, पाणी पिवै नहिं रोटी खावै। दो दिन बीत्या बण्या निपीत्या, जीव बाप रौ अकुलावै, दो दिन बीत्या बण्या निपीत्या, जीव बाप रौ अकुलावै,
6. अन्त हार, मन-मार ल्यार, पाछा सूंप्या ल्यो स्वामीजी, ओ तो राजी आं चरणां स्युं, आहार ल्यार द्यो स्वामीजी। म्हारो भी तो ठोड़-ठिकाणो, कठेइ जमाद्यो स्वामीजी, दीनदयाल! कृपाल! भाल, सुविशाल।
7. जयमलजी म्हारासा नै ल्या, किसनोजी न संमलावै, 'सागर' तीनूं घर बधावणा, बुद्धि भीखण री बै गावै। जम्यो ठिकाणो चेलो मिलग्यो, टल्यो ओगालौ हरसावै, करयो कमाल, बवाल टाल रिछपाल।
Roman Transliteration
kahai kisnoji chal-chal kahai kisnoji chal-chal bharimal! bhikhanji thanrai kani lagai, kadhe ankhya lal-lal bharimal! bhikhanji thanrai kani lagai, khanchai bavliyo jhal, chal bharimal! bhikhanji tharai.....
1. attharai-sai-chokai Mangal, akhatij jalam tharo. panch baras ro chhod mari thari, man dujo kun saharo. kitto doro pal r moto karyo, jiv janai mharo, tun bhavi ri dhal, nav ri hal.
2. manai n rakhai svamiji to, main bhi tanai kiyan chhodun, budhapai ro sharo lakdi, tod bhala kyun du:kh odhun. ek ghav do tuk bat hai, laudhedai ne ke odhun, jhutho jid mat jhal lal! khushhal.
3. sohro ghano rakhasyun nanhan, tanai ahal nahin avan dyun, tavdiyai men dur gochri-pani, tanai n javan dyun. iso-bisyo anagamyo utarto, tanai kadai nahin khavan dyun, mharai sahmo nhal, chhod pampal.
4. bole bharimal aji, mota purushan! manai samjhao, chhod diya sansar, bap-beta ro abai kiso dao. thanrai hath ro anna-jal lyun to, tyag manai mat le jyavo, suntan uthyo ubal bhim bhuchal.
5. ghins’r leyagya uncho-nicho, le'r manavai samjhavai, beto mun n kholai, pani pivai nahin roti khavai. do din bitya banya nipitya, jiv bap rau akulavai, do din bitya banya nipitya, jiv bap rau akulavai,
6. anta har, man-mar lyar, pachha sumpya lyo svamiji, o to raji an charnan syun, ahar lyar dyo svamiji. mharo bhi to thod-thikano, kathei jamadyo svamiji, dinadyal! kripal! bhal, suvishal.
7. jayamalji mharasa nai lya, kisnoji n sammlavai, 'sagar' tinun ghar badhavna, buddhi Bhikhan ri bai gavai. jamyo thikano chelo milagyo, talyo ogalau harsavai, karyo kamal, baval tal richhpal.