नन्दन वन
Nandan Van
1917
नन्दन वन — Lyrics
नन्दन वन नन्दन वन भिक्षु गण में वसो री, हे जी प्राण जाय तो ही पग म खिसो री।। नन्दन वन।। ध्रु. पद।।
गण मांहि ज्ञान-ध्यान सोभै री, हे जी दीपक मंदिर मांहि जिसो री।। टालोकर नो भणवौ न सोभै री, हे जी नाक बिना ओ तो मुखडु जिसो री।। अवनीत री देसना न दीपै री, हे जी गणिका तणो सिणगार जिसो री।। दुखदाई क्षुद्र जवा सरीखो री, हे जी निन्दक टालोकर वमन जिसो री।। सासण में रंगरत्ता रहो री, हे जी सुर शिव पद मांहि वास वसो री।।५ भाग्य वले भिक्षु गण पायो री, हे जी रत्न चिंतामणि पिण न ईसो री।। गणपति कोप्यां ही गाढ़ा रहो री, हे जी समचित सासण मांहि लसो री।। आड-डोड चित्त में म आणो रहो री, हे जी मोह कर्म नों थे तज द्यो नसो री।। वार-वार स्यां कहियै तुम्हे री, हे जी अचल रहो पिण मति रे सुसो री।। खेल-खिलाङ्यां रो याद करो री, हे जी अडिगपणैं थे तो गण में बसो री।। उगणीसै गुणतीस फागुण री, 'जय-जश' आणा में सुख विलसो री।।
Roman Transliteration
nandan van nandan van Bhikshu gan men vaso ri, he ji pran jay to hi pag m khiso ri.. nandan van.. dhru. pad..
gan manhi jnan-dhyan sobhai ri, he ji dipak mandir manhi jiso ri.. talokar no bhanvau n sobhai ri, he ji nak bina o to mukhdu jiso ri.. avanit ri desna n dipai ri, he ji ganika tano singar jiso ri.. dukhdai kshudra java sarikho ri, he ji nindak talokar vaman jiso ri.. sasan men rangaratta raho ri, he ji sur shiv pad manhi vas vaso ri..5 bhagya vale Bhikshu gan payo ri, he ji ratna chintamni pin n iso ri.. ganapti kopyan hi gadha raho ri, he ji samchit sasan manhi laso ri.. ad-dod chitta men m ano raho ri, he ji moh Karm non the taj dyo naso ri.. var-var syan kahiyai tumhe ri, he ji achal raho pin mati re suso ri.. khel-khilanyan ro yad karo ri, he ji adigapnain the to gan men baso ri.. uganisai guntis phagun ri, 'jay-jash' ana men sukh vilso ri..