पारस पारस री लगाऊं धुन घड़ी घड़ी,
Paras Paras Ri Lagaun Dhun Ghadi Ghadi,
1998
पारस पारस री लगाऊं धुन घड़ी घड़ी, — Lyrics
पारस पारस री लगाऊं धुन घड़ी घड़ी, धुन घड़ी घड़ी, जुड़ी मन री कड़ी, पारस नाम लागै साचो मानो जीव जड़ी।।
वामादेवी रा दुलारा जग में उजियारा, प्रभुवर शरणागत रा थे हो जीवन रखवारा, म्हारी नैया करो पार मझधारा में पड़ी।।
यज्ञ मण्डप में पधार्या देखी हिंसा थे भारी, तापस नै थे ज्ञान दिरायो खोली आंख्यां हियारी, नाग जोड़े नै बचायो जलतां बीच लकड़ी।।
प्रभु नै भाव स्यूं मनायां उत्तम सुख है मिलै, डाकण साकण महामारी रोग शोग है टलै, फिर स्यूं खिल ज्यावै जीवन री फुलवारी उजड़ी।।
और रिश्ता सब दुनिया रा लारै छूट ज्यासी, पारस प्रभु रो शरणो ही आखिर आडो आसी, परभव जातां सागै चाल नहीं पावै दमड़ी।।
श्रद्धा सुमनां स्यूं पारस री नित अर्चना करूं, सोतां उठतां 'विजय' निरन्तर प्रभु रो ध्यान धरूं, मूरत शोभै म्हारै उर में जियां मोत्यां री लड़ी।।
Roman Transliteration
paras paras ri lagaun dhun ghadi ghadi, dhun ghadi ghadi, judi man ri kadi, paras nam lagai sacho mano jiv jadi..
vamadevi ra dulara jag men ujiyara, prabhuvar sharnagat ra the ho jivan rakhvara, mhari naiya karo par majhdhara men padi..
yajna mandap men padharya dekhi hinsa the bhari, tapas nai the jnan dirayo kholi ankhyan hiyari, nag jode nai bachayo jaltan bich lakdi..
Prabhu nai bhav syun manayan uttam sukh hai milai, dakan sakan mahamari rog shog hai talai, phir syun khil jyavai jivan ri phulvari ujadi..
aur rishta sab duniya ra larai chhut jyasi, paras Prabhu ro sharno hi akhir ado asi, parabhav jatan sagai chal nahin pavai damdi..
shraddha sumnan syun paras ri nit archana karun, sotan uthatan 'vijay' nirantar Prabhu ro dhyan dharun, murat shobhai mharai ur men jiyan motyan ri ladi..