पारस प्रभुवर! थांरै चरणां में म्हे शीश झुकावां हां,
Paras Prabhuvar! Thanrai Charnan Men Mhe Shish Jhukavan Han,
2002
पारस प्रभुवर! थांरै चरणां में म्हे शीश झुकावां हां, — Lyrics
पारस प्रभुवर! थांरै चरणां में म्हे शीश झुकावां हां, लागी तन-मन साची प्रीत, जीवन भेंट चढ़ावां हां।।
१. अश्वसेन रा मंदन वामादे रा लाडला, थांरै नाम री संकळाई पर बलिहारी जावां हां।
२. राग-द्रेष में काळ अनन्तो यूं ही बीतग्यो, मिलग्यो वीतराग तूं देव, मूसळां ढोल बजावां हां।
३. अज्ञानी तापस रो ठागो खोल्यो चोहटै, थांरी सच्चाई रै साहस रा म्हे गीत गावां हां।
४. जळतै नाग-युगल नै दियो शरणो धर्म रो, ऊंची करुणा रै इमरत रो कोई पार न पावां हां।
५. कमठ-उपद्रव और विनय भारी धरणेन्द्र रो, थांरी आंख्यां रै समभाव रो म्हे अलख जगावां हां।
६. संकट-मोचन वाळो तूं प्रभु साचो पारस है, नाम रो ले उजळो आधार, भव-जल पार जावां हां।
७. बीस जिनेश्वर सीझ्या आ धरती अति पावन है, 'बुद्ध' समवेत शिखर पर आज म्हे स्तवना सुणावां हां।
Roman Transliteration
paras prabhuvar! thanrai charnan men mhe shish jhukavan han, lagi tan-man sachi prit, jivan bhent chadhavan han..
1. ashvasen ra mandan vamade ra ladla, thanrai nam ri sanklai par balihari javan han.
2. rag-dresh men kal ananto yun hi bitagyo, milagyo vitrag tun Dev, muslan dhol bajavan han.
3. ajnani tapas ro thago kholyo chohtai, thanri sachchai rai sahas ra mhe git gavan han.
4. jaltai nag-yugal nai diyo sharno Dharm ro, unchi karuna rai imarat ro koi par n pavan han.
5. kamath-upadrav aur vinay bhari dharnendra ro, thanri ankhyan rai sambhav ro mhe alakh jagavan han.
6. sankat-mochan valo tun Prabhu sacho paras hai, nam ro le ujalo adhar, bhav-jal par javan han.
7. bis jineshvar sijhya a dharti ati pavan hai, 'buddha' samvet shikhar par aj mhe stavna sunavan han.