सब स्यूं प्यारो, सब स्यूं न्यारो, सांवरियै रो नाम
Sab Syun Pyaro, Sab Syun Nyaro, Sanvriyai Ro Nam
3018
सब स्यूं प्यारो, सब स्यूं न्यारो, सांवरियै रो नाम — Lyrics
सब स्यूं प्यारो, सब स्यूं न्यारो, सांवरियै रो नाम। जपां म्है… ओहो हो हो हो हो…, जपां म्है… ओहो हो हो हो हो…, जपां म्है ॐ भिक्षु गुणधाम, करां म्है सौ सौ बार प्रणाम।।
दीपांजी रो लालदुलारो, बल्लूशा-नंदन प्यारो, रूं रूं में बसग्यो सांवरियो, गण री आंख्यां से तारो। खोज निकाल्यो पंथ निरालो, तेरापंथ ललाम।।
सिंह सपन देख्यो माँ दीपा, साहस रे शिखरों चढ्यो, प्राण हथेली पर रख चाल्यो, मरुघर में इतिहास गढ्यो। जिनवाणी पर कुर्बानी कर, बणग्यो आत्माराम।।
च्यारूं कूंटा हुयो च्यानणो, चसग्या ज्ञान रा दिवला, मनहंसा मोती चुगै, गणसागर में उजळा-उजळा। खड्या बिछायां पलक पावड़ा, दर्शण द्यो घनश्याम।।
मंत्राक्षर है नाम स्वाम रो, सांस-सांस में जो सुमरै, भूत-प्रेत नेड़ो नहीं आवै, दुःख दुविधा सब दूर टरै। ‘ॐ भिक्षु जय भिक्षु’ जपतां, सरै अचिंत्या काम।।
तुलसी युग री देन निराली, धम्म-जागरण रस बरस्यो, तेरापंथ प्रबोध गान में, जन-जन रो हिवड़ो हरस्यो। भिक्षु चेतना वर्ष मनावां, ‘यशोधरा’ अभिराम।।
Roman Transliteration
sab syun pyaro, sab syun nyaro, sanvriyai ro nam. japan mhai… oho ho ho ho ho…, japan mhai… oho ho ho ho ho…, japan mhai Om Bhikshu gundham, karan mhai sau sau bar pranam..
dipanji ro laldularo, ballusha-nandan pyaro, run run men basagyo sanvriyo, gan ri ankhyan se taro. khoj nikalyo panth niralo, Terapanth lalam..
sinh sapan dekhyo man dipa, sahas re shikhron chadhyo, pran hatheli par rakh chalyo, marughar men itihas gadhyo. jinvani par kurbani kar, banagyo atmaram..
chyarun kunta huyo chyanno, chasagya jnan ra divla, manahnsa moti chugai, gansagar men ujala-ujala. khadya bichhayan palak pavda, darshan dyo ghanashyam..
mantrakshar hai nam svam ro, sans-sans men jo sumrai, bhut-pret nedo nahin avai, duhkh duvidha sab dur tarai. ‘Om Bhikshu jay Bhikshu’ japtan, sarai achintya kam..
Tulsi yug ri den nirali, dhamma-jagaran ras barasyo, Terapanth prabodh gan men, jan-jan ro hivdo harasyo. Bhikshu chetna varsha manavan, ‘yashodhra’ abhiram..