आज म्हारै स्वामीजी रो, वर्षी रो दिन आयो रे,
Aj Mharai Svamiji Ro, Varshi Ro Din Ayo Re,
166
आज म्हारै स्वामीजी रो, वर्षी रो दिन आयो रे, — Lyrics
आज म्हारै स्वामीजी रो, वर्षी रो दिन आयो रे, हो अन्तर-आलोयणा आज अपणै गुरुवर जी रो,वर्षी रो दिन आयो रे, देखां अन्तर-लोयणां
१. राजनगर में भणतां धुर में उघड़ी अन्तर-आंख्यां रे, 'सीए दाहे' री रातड़ी सोजत बगड़ी बड़लू झांकां जोधाणै री झांक्या रे, बड़ी विलक्षण बातड़ी
२. खाद्य पदार्थ मिल्यो न खाणै,पेय न पूरों पाणी रे, पांच बरस परिमाण में। गाल्यां री बोछार घरोघर आ करड़ी कुरबाणी रे, खूब चढ़यो खरसाण में।।
३. मोह-हीन मंतव्य निखालिस ओ अरूढ़ आचार रे, संघ-संगठन सांतरो। तरी त्रिवेणी ऊंची श्रेणी कभी न मानी हार रे, मेट्यो मोट मतांतरों।।
४. अंतरंग बहिरंग जंग में जूझारां ज्यूं जूंइयो रे, अटल सत्य-बल साथ में। गिरि-गह्वर में शेर बबर्ची ज्यूं जोगीड़ो गूंज्यो रे सदा रह्यो सुखसात में।।
५. एकान्तर तप तपन-तापना जोग-साधना जंगी रे, जीवन-ज्योति उजारणै। खरो 'खेतसी' 'हेम हेमड़ो' बो 'बेणो' बजरंगी रे, अद्भुत शक्ति उभारणै।।
६. भारिमाल रो भीम परीषह तात नेहलो तोड़यो रे, कड़ो उपद्रव केलवै। तहत करी तेलो स्वीकास्यो, जयणां स्यूं जी जोड़यो रे, जोखिम भारी झेलवै।।
७. पाली रो 'पटवो' 'गुमानजी लूणावत' लाखीणो रे, साचो श्रावक 'शोभजी'। 'गेरूलाल व्यास' विश्वासी झेल्वो जिनमत झीणो रे, शरणो भिक्खू रो भजी।।
८. कांठा जनम्यो बगड़ी बीच बगावत तगड़ी कीन्ही रे, ले स्हारो भगवान रो। सिरियारी में सफल साधना भाव भंगिमा भीनी रे, गौरव गरिमा गान रो।।
९. दो हजार बत्तीसी पावव 'जयपुर जनता जागी रे, ग्रीन हाउस सी-स्कीम में। वीर-शताब्दी बणी विलक्षण तुलसी' संघ सुभागी रे, अनुशासन री सीम में।।
Roman Transliteration
aj mharai svamiji ro, varshi ro din ayo re, ho antar-aloyna aj apanai guruvar ji ro,varshi ro din ayo re, dekhan antar-loynan
1. rajanagar men bhantan dhur men ughadi antar-ankhyan re, 'sie dahe' ri ratdi sojat bagdi badlu jhankan jodhanai ri jhankya re, badi vilakshan batdi
2. khadya padartha milyo n khanai,pey n puron pani re, panch baras pariman men. galyan ri bochhar gharoghar a kardi kurbani re, khub chadhyo kharsan men..
3. moh-hin mantavya nikhalis o arudh achar re, Sangh-sangathan santro. tari triveni unchi shreni kabhi n mani har re, metyo mot matantron..
4. antarang bahirang jang men jujharan jyun juniyo re, atal satya-bal sath men. giri-gahvar men sher babarchi jyun jogido gunjyo re sada rahyo sukhsat men..
5. ekantar tap tapan-tapna jog-sadhna jangi re, jivan-jyoti ujarnai. kharo 'khetsi' 'hem hemdo' bo 'beno' bajarngi re, adbhut shakti ubharnai..
6. bharimal ro bhim parishah tat nehlo todyo re, kado upadrav kelvai. tahat kari telo svikasyo, jaynan syun ji jodyo re, jokhim bhari jhelvai..
7. pali ro 'patvo' 'gumanji lunavat' lakhino re, sacho shravak 'shobhji'. 'gerulal vyas' vishvasi jhelvo jinamat jhino re, sharno bhikkhu ro bhaji..
8. kantha janamyo bagdi bich bagavat tagdi kinhi re, le sharo Bhagwan ro. siriyari men saphal sadhna bhav bhangima bhini re, gaurav garima gan ro..
9. do hajar battisi pavav 'jaypur janta jagi re, grin haus si-skim men. vir-shatabdi bani vilakshan Tulsi' Sangh subhagi re, anushasan ri sim men..