आखा तीज
Akha Tij
176
आखा तीज — Lyrics
आखा तीज
भजल्यो आदिनाथ भगवान, मिलसी निर्मल आतमज्ञान, सेब रो हो जारी कल्याण, सुखमय मुगती मिलसी।
सब चीजां री आदी कीधी, सब नै अच्छी शिक्षा दीधी, तरवा अन्ते दीक्षा लीधी, अन्तर-ज्योति जलसी।
बारै महिनां भोजन पाणी, न मिल्यो तो भी समता आणी, समता शिवपुर नी सहनाणी, संजम फूल खिलंसी
दौड्या दौड्या आवे लोग ल्यावै हाथी, घोड़ा भोग, प्रभु रै अन्तराय रो जोग, विपदा जल्दी टलसी।
आया पड़पौते घर नाथ, बोल्यो, जोड़ी दोनूं हाथ, बहरो इक्षु रस गणनाथ! म्हांरो भाग फलसी।
कीधो बारै महिनां बाद, पुण्य पारणो धर आल्हाद, छायो नगरी में सुख स्वाद, मंगल माला हुलसी।
आखा तीज दिवस यह आया, प्रभुवर ऋषभनाथ नै ध्याया, आदीश्वर प्रभु रा गुण गायां, 'मोहन' पातक दलसी।
Roman Transliteration
akha tij
bhajalyo Adinath Bhagwan, milsi nirmal atamajnan, seb ro ho jari kalyan, sukhamay mugti milsi.
sab chijan ri adi kidhi, sab nai achchhi shiksha didhi, tarva ante diksha lidhi, antar-jyoti jalsi.
barai mahinan bhojan pani, n milyo to bhi samta ani, samta shivpur ni sahnani, sanjam phul khilnsi
daudya daudya ave log lyavai hathi, ghoda bhog, Prabhu rai antaray ro jog, vipda jaldi talsi.
aya padpaute ghar nath, bolyo, jodi donun hath, bahro ikshu ras gannath! mhanro bhag phalsi.
kidho barai mahinan bad, punya parno dhar alhad, chhayo nagri men sukh svad, Mangal mala hulsi.
akha tij divas yah aya, prabhuvar rishabhnath nai dhyaya, adishvar Prabhu ra gun gayan, 'mohan' patak dalsi.