अलबेलो शासण थांरो – स्वर्गा सी है छटा निराली
Alabelo Shasan Thanro – Svarga Si Hai Chhata Nirali
2928
अलबेलो शासण थांरो – स्वर्गा सी है छटा निराली — Lyrics
अलबेलो शासण थांरो। स्वर्गा सी है छटा निराली, क्यूं नहीं अठै पधारो।।
कितां कितां ही संत सत्यां ने, दी गण पर कुर्बानी। बण्या नींव रा पत्थर उणरी, सुणल्यो करूणा कहानी। ओ नंदन वन खिल्यो सुरंगो, नज़रयाँ इनै निहारो।।
उजली समकित पाई सब ने, अपणो भाग सरावै। है आचार विचार एकता, गुरू आणां नित चावै। महिमा फैली तेरापंथ री, निरखण जिस्यो नजारो।।
मर्यादा रे शिखर स्तम्भ पर, शासण महल खड़ो हैं। सागर ज्यूं गहरो ओ गणवन, हिम शिखरां स्युं बड़ो हैं। गूंज रह्यो है नभ धरती पर, जश कीरत रो नारो।।
खून पसीने स्यूं सींची, मजबूत बणी गण नींवां। गण बड़ला री छायां में, म्हें बैठ्या अमृत पीवां। ओ शासण समदरियो लागै, ‘मुनि सुरेश ने प्यारो।।
Roman Transliteration
alabelo shasan thanro. svarga si hai chhata nirali, kyun nahin athai padharo..
kitan kitan hi sant satyan ne, di gan par kurbani. banya ninv ra patthar unari, sunalyo karuna kahani. o nandan van khilyo surngo, nazaryan inai niharo..
ujali samkit pai sab ne, apano bhag saravai. hai achar vichar ekata, guru anan nit chavai. mahima phaili Terapanth ri, nirakhan jisyo najaro..
maryada re shikhar stambha par, shasan mahal khado hain. sagar jyun gahro o ganavan, him shikhran syun bado hain. gunj rahyo hai nabh dharti par, jash kirat ro naro..
khun pasine syun sinchi, majbut bani gan ninvan. gan badla ri chhayan men, mhen baithya amrit pivan. o shasan samadriyo lagai, ‘Muni suresh ne pyaro..