आंधी और तूफानां में, रुक्या न जो व्यवधानां में,
Andhi Aur Tuphanan Men, Rukya N Jo Vyavdhanan Men,
193
आंधी और तूफानां में, रुक्या न जो व्यवधानां में, — Lyrics
आंधी और तूफानां में, रुक्या न जो व्यवधानां में, नैणां में म्हारै बसै सदा तुलसी गणी, नहीं फूल्या सम्मानां में, रह्या शान्त अपमानां में, नैणां में म्हारै बसै सदा तुलसी गणी।।
मां वदनां री कूख उजाली, धन्य हुई धरती पाकर, चंदेरी में चांद दूज रो उग्यो, खुशी छाई घर-घर, दिन-दिन दीपै पुण्यायी, बचपन बीत्यो सुखदायी, नैणां में..।।1।।
कालू गुरु कर लेकर दीक्षा, ज्ञान ध्यान में रमण कर्यो, पूज्य पाद बावीस वर्ष में, गण नायक रो विरुद वर्यो, गंगापुर हो बड़मागी, सोयी ज्यूं किस्मत जागी, नैणां में।।2।।
मील हजारां विचरण करके, जनता नै प्रतिबोध दियो, दुख मुक्ति री राह दिखाकर, गुरुवर बहु उपकार कियो, मांझी बण नावा तारी, रहसी जग ओ आभारी, नैणां में...।।3।।
आख्यां स्यूं ज्यूं सुधा बरसती, मानव खींच्या आता हा, दरसण कर प्रभुवर रा अपणी, अन्तर प्यास बुझाता हा, जादू भर्यो हो वाणी में, रस ज्यूं भर्यो कहाणी में, नैणां में...।।4।।
गंगाणे में सुरग सिधारया 'विजय' संघ रा सेनानी, आख्यां पथरायी जन-जन री, मूक बणी सब री वाणी, चिहुं दिशि अंधियारो छायो, चेहरो सब रो कुम्हलायो, नैणां में...।।5।।
Roman Transliteration
andhi aur tuphanan men, rukya n jo vyavdhanan men, nainan men mharai basai sada Tulsi gani, nahin phulya sammanan men, rahya shanta apamanan men, nainan men mharai basai sada Tulsi gani..
man vadnan ri kukh ujali, dhanya hui dharti pakar, chanderi men chand duj ro ugyo, khushi chhai ghar-ghar, din-din dipai punyayi, bachapan bityo sukhdayi, nainan men....1..
Kalu Guru kar lekar diksha, jnan dhyan men raman karyo, pujya pad bavis varsha men, gan nayak ro virud varyo, gangapur ho badmagi, soyi jyun kismat jagi, nainan men..2..
mil hajaran vicharan karke, janta nai pratibodh diyo, dukh mukti ri rah dikhakar, guruvar bahu upakar kiyo, manjhi ban nava tari, rahsi jag o abhari, nainan men.....3..
akhyan syun jyun sudha barasti, manav khinchya ata ha, darasan kar prabhuvar ra apani, antar pyas bujhata ha, jadu bharyo ho vani men, ras jyun bharyo kahani men, nainan men.....4..
gangane men surag sidharya 'vijay' Sangh ra senani, akhyan pathrayi jan-jan ri, muk bani sab ri vani, chihun dishi andhiyaro chhayo, chehro sab ro kumhalayo, nainan men.....5..