आरती उतारां
Aarti Utaran
2936
आरती उतारां — Lyrics
आरती उतारां भक्ति भावां स्यूं सारा, आरती उतारां। बालू रे नन्द जग रा तारण हार हो। महिमा अपरम्पार हो, तेरापंथ दीदार हो। करुणा दृष्टि अपार हो, सारा आरती उतारां।।आं:।।
आषाढ़ी तेरस दिन उग्यो, दिव्य ज्योति स्यूं अवतरिया। जनम्या हा टमकोर शहर में, घी रा दिवला जगमगिया। हो गुरुवर! शुभ वेला आई, मंगलकार हो।।
कालू कर कमलां स्यूं दीक्षा, मां बेटा दोन्यूं धारी। कंठा ज्ञान कियो भारी, वे बातां सुण इचरज कारी। हो गुरुवर! तुलसी स्यूं पायो, थे जीवन रो सार हो।।
गण विकास स्यूं गण चमक्यो, आयाम दिया सब आभारी। पूछे जठे बात एक ही, बस है तनाव री बीमारी। हो गुरुवर! प्रेक्षा ही हर मानव रे प्राणाधार हो।।
प्रज्ञा री ज्योति स्यूं जग में, हुग्यो चानणियो भारी। मुनि सुरेश गुण गावै ध्यावै, जावां प्रभु री बलिहारी। हो गुरुवर! श्रद्धा सुमनां री, भेंट करो स्वीकार हो।।
Roman Transliteration
Aarti utaran bhakti bhavan syun sara, Aarti utaran. balu re nanda jag ra taran har ho. mahima aparampar ho, Terapanth didar ho. karuna drishti apar ho, sara Aarti utaran..an:..
ashadhi teras din ugyo, divya jyoti syun avatriya. janamya ha tamkor shahar men, ghi ra divla jagamgiya. ho guruvar! shubh vela ai, mangalkar ho..
Kalu kar kamlan syun diksha, man beta donyun dhari. kantha jnan kiyo bhari, ve batan sun icharaj kari. ho guruvar! Tulsi syun payo, the jivan ro sar ho..
gan vikas syun gan chamakyo, ayam diya sab abhari. puchhe jathe bat ek hi, bas hai tanav ri bimari. ho guruvar! Preksha hi har manav re pranadhar ho..
prajna ri jyoti syun jag men, hugyo channiyo bhari. Muni suresh gun gavai dhyavai, javan Prabhu ri balihari. ho guruvar! shraddha sumnan ri, bhent karo svikar ho..