आयो चोमासो सुखकार, भविक मन भावणो जी।
Ayo Chomaso Sukhkar, Bhavik Man Bhavno Ji.
320
आयो चोमासो सुखकार, भविक मन भावणो जी। — Lyrics
आयो चोमासो सुखकार, भविक मन भावणो जी। छायो घर-घर हरस अपार, विराग बढ़ावणो जी।।
१. चोमासी चवदस रस बरसै, मोर पपैया ज्यूं मन हरसै, गुणीजन सत्संगत पा सरसै, लागै मंडप पुष्पोद्यान समान सुहावणो जी।
२. दूर-दूर स्यूं विचरत आवै, सन्त सत्यां चौमास लगावै, मन में धार्मिक जोत जगावै, नित-नित सरस बखाण सुणावै हृदय लुभावणो जी।
३. तप-जप रो है अवसर भारी, सींचो ज्ञान-ध्यान री क्यारी, काटो झट करमां री घ्यारी, हाथां आयो अवसर आछो, लाभ कमावणो जी।
४. करल्यो चोखी धरम कमाई, सेवा संवर और समाई, अन्तर्मन री हुवै सफाई, सब स्यूं 'बुद्ध' शुद्ध व्यवहार विचार बणावणो जी।
Roman Transliteration
ayo chomaso sukhkar, bhavik man bhavno ji. chhayo ghar-ghar haras apar, virag badhavno ji..
1. chomasi chavadas ras barsai, mor papaiya jyun man harsai, gunijan satsangat pa sarsai, lagai mandap pushpodyan saman suhavno ji.
2. dur-dur syun vicharat avai, santa satyan chaumas lagavai, man men dharmik jot jagavai, nit-nit saras bakhan sunavai hriday lubhavno ji.
3. tap-jap ro hai avasar bhari, sincho jnan-dhyan ri kyari, kato jhat karman ri ghyari, hathan ayo avasar achho, labh kamavno ji.
4. karalyo chokhi dharam kamai, seva sanvar aur samai, antarman ri huvai saphai, sab syun 'buddha' shuddha vyavhar vichar banavno ji.