चौरासी में चाक ज्यूं रे
Chaurasi Men Chak Jyun Re
562
चौरासी में चाक ज्यूं रे — Lyrics
चौरासी में चाक ज्यूं रे
चौरासी में चाक ज्यूं रे, करि करी कर्म कठोर, घरटी ज्यों फिरियो घणो रे, पाम्यो दु:ख अघोर। सुज्ञानी जीवड़ा! करणी भल कीजे रे।।१।।
काज सरे करणी कियां रे, भाख गया भगवन्त। अल्प दु:खां ने आदर्यां रे, आगे सुख अनन्त।।२।।
सतगुरु सीख माने नहीं रे, राखे खोटी रूढ़। पुण्यहीना ते बापड़ा रे, महा मिथ्यात्वी मूढ़।।३।।
पाप करी ने प्राणिया रे, नरकां करै रे निवास। भूंडा फल तिहां भोगवे रे, नाखे हिये नि:श्वास।।४।।
पाप चितारै पाछला रे, अधर्मी सुर आय। जिम कोधा कर्म जीवड़े रे, तिम भुगतावे ताय।।५।।
रोवे झूरे रांक ज्यूं रे, अधिका दु:ख अनन्त। यम गाढ़ा वैरी जिसा रे, पीड़ा बहुत करन्त।।६।।
वर्ष दश हजार नोरे, जघन्य आउखो जाण।' उत्कृष्टो सागर तेतीस नो रे, भाख गया जगभाण।।७।।
नीठ नरकां सूं नीसर्यो रे, तिर्यञ्च मांही तास भांति भांति दु:ख भोगवै रे, सूत्रे मांही समास।।८।।
हलका कर्म पड़या हुवे रे, पुण्य तणे प्रभाव। माणस हुवै मोटको रे, सखरो सरल स्वभाव।।९।।
(लय : विमल विवेक)
जाडा नहीं कर्म जेहने रे, आय मिले अणगार। पांच महाव्रत पालता रे, धीरा महा गुणधार।।१०।।।
दयावन्त ऋषि देख ने रे, ळुळ ळुळ लागे पाय। प्रदक्षिणा देइ प्रेम सूं रे, नीचो शीश नमाय।।११।।
साधूजी सूत्र साख थी रे, दे रूड़ो उपदेश। काया माया कारमी रे, राखो धर्म री रेश।।१२।।
साधु वचन सुणी हूलसै रे, घट में आवे ज्ञान। सुख सगला संसार नां रे, जाण्या जहर समान।।१३।।
वैराग्ये मन वालने रे, साधपणो ले सार। उत्तम केई आदरै रे, विधि सेती व्रत बार।।१४।।
करणी कर कर्म कारनै रे, पूरा संच्या पुण्य थाट। दया पाली हुवे देवता रे, गहरा सुख गहघाट।।१५।।
देवांगना घणी दीपती रे, जंपे जय जयकार। पल सागर लभि प्रेम सूं रे, सुख विलसे संसार।।१६।।
पुण्यवन्त पामे वली रे, उत्तम कुल अवतार। घर सम्पत्ति हुवे घणी रे, बहुत बजावै बहार।।१७।।
चारित्र लेई चूंप सूं रे, आठ कर्म करी अन्त। पामे परमगति पांचवीं रें, अविचल सुख अनन्त।।१८।।
साधुजी चन्दन सारखा रे, टाले तन मन ताप। निर्भागी वन्दे नहीं रे, पोते भारी पाप।।१६।।
साधुजी नावा सारखा रे, पहुंचावै भव पार। नेड़ा पिण ढूके नहीं रे, निर्भागी नर नार।।२०।।
भिन्न-भिन्न भेद भाखै भला जी, उपकारी अणगार। निर्बुद्धि समझै नहीं रे, घट में घोर अन्धार।।२१।।
वेश्या संगति बेसतां रे, व्रत रो होय विनाश। शुद्ध समकित विनशे सही रे, पाखण्डियां रे पास।।२२।।
एक घड़ी आधी घड़ी रे, साधु नी संगति थाय। चिलाती नामे चोर ज्यूं रे, जीव भली गति जाय।।२३।।
संवत अठारहसै साठ में रे, वदी आश्विन सोमवार। बारस तिथि बीदासरे रे, आखी ढाल उदार।।२४।।
उपदेश पच्चीसी ओपती रे, जोड़ी जुगते जाण। ऋषि चन्द्रभान रूड़े मने रे, चेतो चतुर सुजाण।।२५।।
Roman Transliteration
chaurasi men chak jyun re
chaurasi men chak jyun re, kari kari Karm kathor, gharti jyon phiriyo ghano re, pamyo du:kh aghor. sujnani jivda! karni bhal kije re..1..
kaj sare karni kiyan re, bhakh gaya bhagavanta. alpa du:khan ne adaryan re, age sukh ananta..2..
satguru sikh mane nahin re, rakhe khoti rudh. punyahina te bapda re, maha mithyatvi mudha..3..
pap kari ne praniya re, narkan karai re nivas. bhunda phal tihan bhogve re, nakhe hiye ni:shvasa..4..
pap chitarai pachhla re, adharmi sur ay. jim kodha Karm jivde re, tim bhugtave taya..5..
rove jhure rank jyun re, adhika du:kh ananta. yam gadha vairi jisa re, pida bahut karanta..6..
varsha dash hajar nore, jaghanya aukho jan.' utkrishto sagar tetis no re, bhakh gaya jagbhana..7..
nith narkan sun nisaryo re, tiryancha manhi tas bhanti bhanti du:kh bhogvai re, sutre manhi samasa..8..
halka Karm padya huve re, punya tane prabhav. manas huvai motko re, sakhro saral svabhava..9..
(lay : vimal vivek)
jada nahin Karm jehne re, ay mile anagar. panch mahavrat palta re, dhira maha gundhara..10...
dayavanta rishi dekh ne re, lul lul lage pay. pradakshina dei prem sun re, nicho shish namaya..11..
sadhuji sutra sakh thi re, de rudo upadesh. kaya maya karmi re, rakho Dharm ri resha..12..
sadhu vachan suni hulsai re, ghat men ave jnan. sukh sagla sansar nan re, janya jahar samana..13..
vairagye man valne re, sadhapno le sar. uttam kei adarai re, vidhi seti vrat bara..14..
karni kar Karm karnai re, pura sanchya punya that. daya pali huve devta re, gahra sukh gahghata..15..
devangna ghani dipti re, jampe jay jaykar. pal sagar labhi prem sun re, sukh vilse sansara..16..
punyavanta pame vali re, uttam kul avatar. ghar sampatti huve ghani re, bahut bajavai bahara..17..
charitra lei chump sun re, ath Karm kari anta. pame paramagti panchvin ren, avichal sukh ananta..18..
sadhuji chandan sarkha re, tale tan man tap. nirbhagi vande nahin re, pote bhari papa..16..
sadhuji nava sarkha re, pahunchavai bhav par. neda pin dhuke nahin re, nirbhagi nar nara..20..
bhinna-bhinna bhed bhakhai bhala ji, upakari anagar. nirbuddhi samjhai nahin re, ghat men ghor andhara..21..
veshya sangti bestan re, vrat ro hoy vinash. shuddha samkit vinshe sahi re, pakhandiyan re pasa..22..
ek ghadi adhi ghadi re, sadhu ni sangti thay. chilati name chor jyun re, jiv bhali gati jaya..23..
sanvat atharahsai sath men re, vadi ashvin somvar. baras tithi bidasre re, akhi dhal udara..24..
upadesh pachchisi opati re, jodi jugte jan. rishi chandrabhan rude mane re, cheto chatur sujana..25..