चुनौती

Roman Transliteration

chunauti

Anuvrat-anubam! apane charan rok lo simolanghan ishta nahin hai, agar tumhare pair badhe ab to jivan avashishta nahin hai.

desh ranakul ho n paraspar, at: hua tha tera udbhav, kintu svayam sangharsha janak ban jivan ko kar diya asambhav. patan svayam hi simamay hai, pralay anyatha jag ho jae, aur mahamanav se nirmit manavta ka path kho jae.

anubam-Anuvrat! apani maun n todo samay tumhara bit gaya hai, nahin niyantran kar sakte tum pighal are navnit gaya hai.

vartaman vaijnanik yug hai, dharmikta ko sthan nahin hai aj takamay yug ki prajna, shraddha ka samman nahin hai. kunthit ko tumne bhatkaya, aj ho gaya viksit manav dhahi divaren mrit mulyon ki, manadanda sab adhuna abhinav.

Anuvrat-atishayta anivarya nash ko apane sath sanjokar lati, simahin kamna nishchit, sahaj virti ka pad ban jati.

teri bhishanta ne hi bas tera aj vinash kar diya, au meri kuntha ne hi bas mera aj vikas kar diya. jise vikas man rakha hai, sachmuch men vah to vinash hai, jisko amar dham samjha hai, maraghat ka vah to nivas hai.

anubam-satya dvandva chir timir jyoti hai nisha amamay svarnim vasar, jadta chetanta donon hain koi nahin kisi ka anuchar.

saral sada to saghan nitya hai, brahma sada to maya bhi hai, sahaj amurta tattva yadi atma, nirakar ki kaya bhi hai. jagat satya se hin n hota, dekha suman surbhi se khali, dekhi kaho aj tak kisne usha, n jiski drig men lali.

Anuvrat-satya-vikas vinash ubhay par manav dhvani vikas ki sunta, chhod shul sandehon ko vah viksit ramya phul ko chunta.

din prakashamay rajni men bhi nakhat aur vidhu ki muskanen, nahin chahta manav tam-kan use prabha ke sparsha suhane. isilie tam se jyotis ki or manuj abhiyan chal raha, jhanjha ke jhonkon men aviral yug yug se yah dip jal raha.