देखो जीभड़ली रो जबरो खेल तमाशो रे
Dekho Jibhadli Ro Jabro Khel Tamasho Re
614
देखो जीभड़ली रो जबरो खेल तमाशो रे — Lyrics
देखो जीभड़ली रो जबरो खेल तमाशो रे बिना हाड़ री बाई इण रो मुंह में बासो रे ।।
छोटी सी आ लाली बाई जबरी धूम मचावै घर हाणी और लोकां हांसी कजिया-राड़ करावै ।।
लप-लप करती चालै आ तो तोड़े प्रेम री डोर बोलण में नहीं पाछी रैवे खूब मचावै शोर ।।
ठोड़ां-तोपां तलवारां स्यूं भी आ तेज तरार घाव भरीजै कद इण रो आ मारै तीखी मार ।
पल भर भी नहीं बैठे सिचली बिना बुलायां बोले सोच समझ कर समझदार जन इण रो तालो खोले ।।
‘मोहजीत मुनिवर’ रो कहणो इण नै बस में राखो आ बस में हो ज्यावै बाद भी आनन्द फल चाखो ।।
Roman Transliteration
dekho jibhadli ro jabro khel tamasho re bina had ri bai in ro munh men baso re ..
chhoti si a lali bai jabri dhum machavai ghar hani aur lokan hansi kajiya-rad karavai ..
lap-lap karti chalai a to tode prem ri dor bolan men nahin pachhi raive khub machavai shor ..
thodan-topan talvaran syun bhi a tej tarar ghav bharijai kad in ro a marai tikhi mar .
pal bhar bhi nahin baithe sichli bina bulayan bole soch samajh kar samajhdar jan in ro talo khole ..
‘mohjit munivar’ ro kahno in nai bas men rakho a bas men ho jyavai bad bhi ananda phal chakho ..