डेणी लख दुनिया नै सोचै ओ ह कलजुग है आयो,
Deni Lakh Duniya Nai Sochai O H Kaljug Hai Ayo,
616
डेणी लख दुनिया नै सोचै ओ ह कलजुग है आयो, — Lyrics
डेणी लख दुनिया नै सोचै ओ ह कलजुग है आयो, भौतिकता में बण्या बावला मिनख न्याय पथ बिसरायो।।
नहीं पूछ है गुण री जग में पैसो आज पुजावै है, पैसे खातिर करतो नर अन्याय नहीं सकुचावै है, एम्बेसेडर कार, रेडियो पावण जन ललचावे है।।१।।
खानपान अरु पहनावै में भारी अन्तर् है आयो, आजकाल रा छोरा छोऱ्यां पर फैशन रो रंग छायो, नहीं सादगी है जीवन में आडम्बर घन मंडरायो।।२।।
शुद्ध चीज मिलती ही आगै आज मिलावट चालै है, सेर दूध में दोय सेर पाणी गुजरड़ा घालै है, ओफिसर मुहमांगी रिश्वत लेकर कसर निकालै है।।३।।
नहीं सरलता दिल में देखां जठै कठै कपटाई है, मन में चालै छूरूयां मुंह पर देवै राम सुणाई है, धर्म और व्यवहारा बिच अब बढ़ती जावै खाई है।।४।।
एक उदर स्यूं जनम्यां भाई आपस में नहीं बोलै है, फूटी आंख न देख्या चावै अमृत में विष घोले है, मांय बाप भी डरता आं नैं केहवै होलै-होलै है।।५।।
बहु-बेट्यां री इज्जत नैं पग-पग पर खतरो रेहवै है, पगां उबाणां फिरै संत जन दुर्जन मोजा लैवे है, चोर लूटेरा घूमै निर्भय नहीं कोई कुछ कैहवै है।।६।।
धर्म ठिकाणो छोड़ लोगड़ा पिक्चर देखण जावै है, माला फैरे संत भक्त कोई दर्शन नै आवै है, उल्टी गंगा बेहवण लागी विजय बुद्धि चकरावै है।।७।।
Roman Transliteration
deni lakh duniya nai sochai o h kaljug hai ayo, bhautikta men banya bavla minakh nyay path bisrayo..
nahin puchh hai gun ri jag men paiso aj pujavai hai, paise khatir karto nar anyay nahin sakuchavai hai, embesedar kar, rediyo pavan jan lalchave hai..1..
khanpan aru pahnavai men bhari antar hai ayo, ajakal ra chhora chhoऱ्yan par phaishan ro rang chhayo, nahin sadgi hai jivan men adambar ghan mandrayo..2..
shuddha chij milti hi agai aj milavat chalai hai, ser dudh men doy ser pani gujarda ghalai hai, ophisar muhmangi rishvat lekar kasar nikalai hai..3..
nahin saralta dil men dekhan jathai kathai kaptai hai, man men chalai chhuruyan munh par devai Ram sunai hai, Dharm aur vyavhara bich ab badhti javai khai hai..4..
ek udar syun janamyan bhai apas men nahin bolai hai, phuti ankh n dekhya chavai amrit men vish ghole hai, many bap bhi darta an nain kehvai holai-holai hai..5..
bahu-betyan ri ijjat nain pag-pag par khatro rehvai hai, pagan ubanan phirai sant jan durjan moja laive hai, chor lutera ghumai nirbhay nahin koi kuchh kaihvai hai..6..
Dharm thikano chhod logda pikchar dekhan javai hai, mala phaire sant bhakta koi darshan nai avai hai, ulti ganga behavan lagi vijay buddhi chakravai hai..7..