धरम री जोत हियै में तूं जगाले।।
Dharam Ri Jot Hiyai Men Tun Jagale..
673
धरम री जोत हियै में तूं जगाले।। — Lyrics
धरम री जोत हियै में तूं जगाले।।
१. मन मैलो तन उजलो , थारो बुगलै वाळो भेख। ऊपर दीखै फूटरो पण, अन्तर ऊंडो देख। रेख करमां री काळी रै, काम सघला ही जाळी रै, काढ मत आज कलाळी।।
२. करणी गई पताळ में, थारी कथनी चढ़ी अकाश। खींचा-ताणी मच रही, पण मन री बुझी न प्यास। आस बढ़ती ही जावै रे, धाप नैड़ी नहीं आवै रे, जमारो सुधर न पावै।।
३. जनम-जनम रा है जम्या, थारै मन पर जो संस्कार। बिना साधना नहीं मिटै, तूं कर ले जरा विचार। हार मत पछली बाजी रै, जीत ले राजी-राजी रै, जिन्दगी रहे न साजी।।
४. टाळी मौत टलै नहीं, तूं चेत सकै तो चेत। 'बुद्ध' धरम-धन साथ ले आ देह बणैला रेत। रेत में ही मिल ज्यासी रै, कोई अहलाण न पासी रै, नाम भी याद न आसी।।
Roman Transliteration
dharam ri jot hiyai men tun jagale..
1. man mailo tan ujalo , tharo buglai valo bhekh. upar dikhai phutro pan, antar undo dekh. rekh karman ri kali rai, kam saghla hi jali rai, kadh mat aj kalali..
2. karni gai patal men, thari kathni chadhi akash. khincha-tani mach rahi, pan man ri bujhi n pyas. as badhti hi javai re, dhap naidi nahin avai re, jamaro sudhar n pavai..
3. janam-janam ra hai jamya, tharai man par jo sanskar. bina sadhna nahin mitai, tun kar le jara vichar. har mat pachhli baji rai, jit le raji-raji rai, jindagi rahe n saji..
4. tali maut talai nahin, tun chet sakai to chet. 'buddha' dharam-dhan sath le a deh banaila ret. ret men hi mil jyasi rai, koi ahalan n pasi rai, nam bhi yad n asi..