दीपां रा दुलारा और प्यारा प्रभू आपां रा रे
Dipan Ra Dulara Aur Pyara Prabhu Apan Ra Re
2953
दीपां रा दुलारा और प्यारा प्रभू आपां रा रे — Lyrics
दीपां रा दुलारा और प्यारा प्रभू आपां रा रे, सांवरिया स्वामी जी म्हारै रूं रूं में बसै। जीवन रा उजियारा, और म्हांरा हार हियारा रे, सांवरिया स्वामीजी म्हारै रूं रूं में बसै।।
गंगाजल सा पावन-उजला, दूध जिसा भिक्षु स्वामी, हा निर्लेप कमल-दल सरिखा, घट-घट रा अंतर्यामी, स्वामीजी रो नांव लियां, हियो हुलसै सांवरिया।।
अति निर्मल संयम रा पजवा, बाबै री करड़ी करणी, श्रद्धा री प्रति-मूर्ति मनोहर, भवजल निधि तारण तरणी, स्वामीजी रै दर्शणां नै, जिवड़ो तरसै सांवरिया।।
तत्वातत्व बतावण कोई, आप जिसा विरला ज्ञानी, धर्मक्रांति कर सकै समय पर, आप जिसा कोई बलिदानी, नाम लेवतां हि कलि कलि, विकसै-सांवरिया।।
विघ्न विनाशक अनुपम शासक, प्रभु अति उत्तम आचारी, चरणां री जावां बलिहारी, लागी थांस्यूं इकतारी, थारै ही परताप सातूं सुख, बरसै सांवरिया।।
भिक्षु चरमोत्सव पर सारा, चरण स्पर्श अभिलाषी म्हे, श्रद्धांजलियां करां समर्पित, बणकर दृढ़ विश्वासी म्हे, मूंगा मैं घी दुलसी अबकै, म्हारे फलसै सांवरिया।।
Roman Transliteration
dipan ra dulara aur pyara prabhu apan ra re, sanvriya Swami ji mharai run run men basai. jivan ra ujiyara, aur mhanra har hiyara re, sanvriya svamiji mharai run run men basai..
gangajal sa pavan-ujala, dudh jisa Bhikshu Swami, ha nirlep kamal-dal sarikha, ghat-ghat ra antaryami, svamiji ro nanv liyan, hiyo hulsai sanvriya..
ati nirmal sanyam ra pajva, babai ri kardi karni, shraddha ri prati-murti manohar, bhavajal nidhi taran tarni, svamiji rai darshanan nai, jivdo tarsai sanvriya..
tatvatatva batavan koi, ap jisa virla jnani, dharmakranti kar sakai samay par, ap jisa koi balidani, nam levtan hi kali kali, viksai-sanvriya..
vighna vinashak anupam shasak, Prabhu ati uttam achari, charnan ri javan balihari, lagi thansyun ikatari, tharai hi partap satun sukh, barsai sanvriya..
Bhikshu charmotsav par sara, charan sparsha abhilashi mhe, shraddhanjliyan karan samarpit, banakar dridh vishvasi mhe, munga main ghi dulsi abakai, mhare phalsai sanvriya..