साथीड़ा रामू रै

दीवाळी आई रै, प्रभु वर्धमान गुण गावो।

Divali Ai Rai, Prabhu Vardhaman Gun Gavo.

साथीड़ा रामू रै

गीत क्रमांक716

दीवाळी आई रै, प्रभु वर्धमान गुण गावो। — Lyrics

दीवाळी आई रै, प्रभु वर्धमान गुण गावो। निज-निज मन माहीं रै, समरण को दीप जळावो।।

१. दीपक टिमटिमता रै, थांनै सन्देश सुणावै। ओ जीवन भंगुर रै, क्यूं देख चमक ललचावो?

२. सै सदन बुहारो रै, काजो-पूंजो झड़कावो। तो आतम-घर ने रै, बोलो थे क्यूं बिसरावो?

३. टक्कै-टक्कै में रै, जो कागज घर में ल्यावो। कृत्रिम आकृति नै रै, क्यूं चेतन ज्यूं अपणावो?

४. गोवर्धन बाबो रै, के थांरी रक्षा करसी। गोबर को थापो रै, क्यूं ठोकर बीच रुळावो?

५. खड़बड़ निसुणै जद रै, घर का डांगर भी भिड़कै। किंयां लिछमी आसी रै, क्यूं निकमा छाज बजावो?

६. प्रभु महावीर रो रै, निर्वाण-दिवस ओ आछो। 'मुनि बुद्ध' विमल मन रै, अध्यात्म-भावना भावो।।

divali ai rai, Prabhu vardhaman gun gavo. nij-nij man mahin rai, samaran ko dip jalavo..

1. dipak timtimata rai, thannai sandesh sunavai. o jivan bhangur rai, kyun dekh chamak lalchavo?

2. sai sadan buharo rai, kajo-punjo jhadkavo. to atam-ghar ne rai, bolo the kyun bisravo?

3. takkai-takkai men rai, jo kagaj ghar men lyavo. kritrim akriti nai rai, kyun chetan jyun apanavo?

4. govardhan babo rai, ke thanri raksha karsi. gobar ko thapo rai, kyun thokar bich rulavo?

5. khadabad nisunai jad rai, ghar ka dangar bhi bhidkai. kinyan lichhmi asi rai, kyun nikma chhaj bajavo?

6. Prabhu Mahavir ro rai, nirvan-divas o achho. 'Muni buddha' vimal man rai, adhyatma-bhavna bhavo..