दसवां आचारज म्हारै घणा मन भावणां,
Dasvan Acharaj Mharai Ghana Man Bhavnan,
756
दसवां आचारज म्हारै घणा मन भावणां, — Lyrics
दसवां आचारज म्हारै घणा मन भावणां, थांने भगतां रा कारज सार्यां सरसी...।।
१. गुरुदेव तुलसी भारी बड़लो लगायो हो...जी..., फूल्यो फळ्यो आज दस दिशि छायो, शीतल छाया जग रै घणी मन भाई, लेण विसामो राही है ललचायो, भूल्या-भरक्यां नै मोटो आसरो है थांरो, जग नै दुविधा स्यूं उबारयां सरसी...।
२. चालां हां खोजां-खोजां चावां हां मरजी, तन-मन सूंप्या थांनै गुरुवरजी, फूल बणैला म्हारै गेलै रा कांटा, निजरा निहारो एकर प्रभुवरजी, नावड़ली म्हारी झौला खावे मझधार में, थाने ही पार लगाया सरसी...।
३. प्रेक्षा रा दिवला जगमग जलर्या भारी, प्रज्ञा री सारो जग आरती उतारी, वाणी री गंगा उतरी धरा पर पावन जुग-जुग री आशा फळी जनता री, अंतर री यात्रा में म्है थांरै सागै चालस्यां, जीवन रा कांटा बुहाऱयां सरसी...।
४. जीवन जीणै रो पंथ नयो थे बतायो, समता रो गहरो रंग घट-घट छायो, अपणै स्यूं अपणै भीतर जद म्है निहारां ऊजलो अपूरब आनन्द पाया, 'बुद्ध' गजब थांरी माया अलबेली, थां स्यूं विषमता नै हार्या सरसी...।
Roman Transliteration
dasvan acharaj mharai ghana man bhavnan, thanne bhagtan ra karaj saryan sarsi.....
1. Gurudev Tulsi bhari badlo lagayo ho...ji..., phulyo phalyo aj das dishi chhayo, shital chhaya jag rai ghani man bhai, len visamo rahi hai lalchayo, bhulya-bharakyan nai moto asaro hai thanro, jag nai duvidha syun ubaryan sarsi....
2. chalan han khojan-khojan chavan han marji, tan-man sumpya thannai guruvarji, phul banaila mharai gelai ra kanta, nijra niharo ekar prabhuvarji, navadli mhari jhaula khave majhdhar men, thane hi par lagaya sarsi....
3. Preksha ra divla jagamag jalarya bhari, prajna ri saro jag Aarti utari, vani ri ganga utari dhara par pavan jug-jug ri asha phali janta ri, antar ri yatra men mhai thanrai sagai chalasyan, jivan ra kanta buhaऱyan sarsi....
4. jivan jinai ro panth nayo the batayo, samta ro gahro rang ghat-ghat chhayo, apanai syun apanai bhitar jad mhai niharan ujalo apurab ananda paya, 'buddha' gajab thanri maya alabeli, than syun vishamta nai harya sarsi....