ए.... आयी सावण री तीजड़ी

ए..... किण पर इतरावै,

E..... Kin Par Itaravai,

ए.... आयी सावण री तीजड़ी

गीत क्रमांक768

ए..... किण पर इतरावै, — Lyrics

ए..... किण पर इतरावै, ओ.... क्यूं तूं भरमावै, बावला, सपनै रो खेल क्यू तूं बिसरावै, बावला।।

आज सरसब्ज लाग रही फुलवारी, छायो वसन्त खिली धरती आ सारी, पतझड़ भी एक दिन है आवै, बावला।।१।।

सांस रो भरोसो कै कद रुक ज्यावै, किन्नो गुड़कतो ओ कद टूट ज्यावै, परमार्थ पथ क्यूं न अपनावै, बावला।।२।।

सात पीढ़ियां री जो चिन्ता करै है, शोषण कर धन स्यूं तिजोऱ्यां भरै है, अन्त में बै खाली हाथ है जावै, बावला।।३।।

सूरज ऊगै बो भी आधम ज्यावै, लाखा रो मालिक भी दीनता दिखावै, चलता अकड़ हाथ फैलावै, बावला।।४।।

किणरो अमर नाम जग में रह पायो, मिट ज्यावै खर खोज उठतां ही सायो, बिजय सुगुरु मार्ग दिखलावै, बावला।।५।।

e..... kin par itaravai, o.... kyun tun bharmavai, bavla, sapnai ro khel kyu tun bisravai, bavla..

aj sarasabja lag rahi phulvari, chhayo vasanta khili dharti a sari, patajhad bhi ek din hai avai, bavla..1..

sans ro bharoso kai kad ruk jyavai, kinno gudakto o kad tut jyavai, parmartha path kyun n apanavai, bavla..2..

sat pidhiyan ri jo chinta karai hai, shoshan kar dhan syun tijoऱ्yan bharai hai, anta men bai khali hath hai javai, bavla..3..

suraj ugai bo bhi adham jyavai, lakha ro malik bhi dinta dikhavai, chalta akad hath phailavai, bavla..4..

kinro amar nam jag men rah payo, mit jyavai khar khoj uthatan hi sayo, bijay suguru marga dikhlavai, bavla..5..