जिन भाख्या पाप अठार
Jin Bhakhya Pap Athar
1039
जिन भाख्या पाप अठार — Lyrics
जिन भाख्या पाप अठार
जिन भाख्या पाप अठार, सेव्यां नहिं धर्म लिगार। संका मत आणजो ए, साचो कर जाणजो ए।।१।।
जो थोड़ो घणो करो पाप, तिण थी हुवै संताप। मिश्र नहीं जिण कह्यो ए, समदृष्टि सरधियो ए।।२।।
कहे अज्ञानी एम, श्रावक नहिं पोखा केम। भाजन रतनां तणो ए, नफो अति घणो ए।।३।।
इणरो नहिं जाणै न्याय, त्यांनै किम आणी जे ठाय। झगड़ो झालीयो ए, बेदो घालीयो ए।।४।।
हिवे सुणजो चतुर सुजाण, श्रावक रतनां री खाण। व्रतां कर जाणजो ए, उलटी मत ताणजो ए।।५।।
केई रूंख बाग में होय, अंब धतूरा दोय। फल नहिं सारिखा ए, करजो पारिखा ए।।६।।
आंबां सूं लिवलाय, सींचे धतूरी आय। आसा मन अति घणी ए, अंब लेवा तणी ए।।७।।
पिण अंब गयो कुमलाय, धतूर रह्यो डहडाय। आय नै जोवै जरे ए, नेणा नीर झरे ए।।८।।
इण दिष्टंते जाण, श्रावक व्रत अंब समाण। इविरत अलगी रही ए, धतूरा सम कही ए।।९।।
(लय : अधर्मी अवनीत)
सेवारे इविरत कोय, वरता साह्मो जोय। ते भूला भर्म में ए, हिंसा धर्म में ए।।१०।।
इविरत सूं बंधे कर्म, तिण में नहिं निश्चे धर्म। तीनूं करण सारिखा ए, ते बिरला पारिखा ए।।११।।
कहे खाधां बंधइ कर्म, खवायां मिश्र धर्म। ए झूठ चलावीयो ए, मूरख मन भावीयो ए।।१२।।
ए मिश्र नहीं साख्यात, तो कांय सरधे ए बात। अकल नहिं मूढ़ में ए, ते पड़िया रूढ़ में ए।।१३।।
पोते नहिं बुध प्रकाश, लागो कुगुरां रो पास। ते निरणो नहीं करे ए, ते भव कूवे पड़े ए।।१४।।
साधू संगत पाय, सुणै इक चित्त लगाय। पखपात परहरै ए, खबर बेगी पड़ै ए।।१५।।
आणंद आदि दे जाण, श्रावक दसूईं बखाण। त्यां पड़िमा आदरी ए, ते चरचा पाधरी ए।।१६।।
जे जे कीधो है त्याग, आणी मन वेराग। ते करणी निरमली ए, करने पूरी फली ए।।१७।।
पिण बाकी रह्यो आगार, इविरत में आण्यो आहार। आपणी न्यात में ए, समझो इण बात में ए।।१८।।
इविरत में दे दातार, ते किम उतरै भवपार। मारग नहिं मोख रो ए, छांदो लोक रो ए।।१९।।
दाता ने अन्न सुध थाय, पिण पातर इविरत में आय। ते किम तारसी ए, पार उतारसी ए।।२०।।
साध सुपातर सोय, दाता सूझतो होय।
नूनो छे गूढ़ मिथ्यात, तिणरै किम वेसे ए बात। कर्म घणां सही ए, समझ पड़े नहीं ए।।२१।।
उपासग उवाई उपंग, बले सूयगड़ा अंग। सुतर थी ऊधरी ए, इविरत अलगी करी ए।।२२।।
आगम नीं दे साख, श्री वीर गया छै भाख। भवियण निरणो करै ए, ते भवसागर तरै ए।।२३।।
देइ सुपातरां दान, न करै मन अभिमान। संसार परत करै ए, ते शिव नगरी वरै ए।।२४।।
दान स्यूं तिर्या अनंत, भाष्यो श्री भगवंत। ते दान न जाणियो ए, न्याय न छाणियो ए।।२५।।
साध सुपातर सोय, दाता सूझतो होय। असणादिक सुध दीयो ए, तिण लाभ मोटो लीयो ए।।२६।।
साध सुपातर जाण, दाता शुद्ध पिछाण। आहारादिक असुध सही ए, बेहरायां नफो नहीं ए।।२७।।
जो मिले मोटा अणगार, पिण सुद्ध नहीं दातार। असणादिक असुद्ध सही ए, पिण दीधां नफो नहीं ए।।२८।।
आय मिले कुपातर कोय, दाता अन सुध छै दोय। प्रतिलाभ्यां तिरै नहीं ए, श्री जिन मुख सूं कही ए।।२९।।
धारो मन आण विवेक, तीनां में सुध नहिं एक। प्रतिलाभ्यां धर्म नहीं ए, सूतर में इम कही ए।।३०।।
पातर दाता नैं आहार, तीनू असुध विचार। धर्म न भाखै जती ए, यो झूठ जाणे मती ए।।३१।।
Roman Transliteration
Jin bhakhya pap athar
Jin bhakhya pap athar, sevyan nahin Dharm ligar. sanka mat anajo e, sacho kar janjo e..1..
jo thodo ghano karo pap, tin thi huvai santap. mishra nahin jin kahyo e, samdrishti sardhiyo e..2..
kahe ajnani em, shravak nahin pokha kem. bhajan ratnan tano e, napho ati ghano e..3..
inaro nahin janai nyay, tyannai kim ani je thay. jhagdo jhaliyo e, bedo ghaliyo e..4..
hive sunjo chatur sujan, shravak ratnan ri khan. vratan kar janjo e, ulati mat tanjo e..5..
kei runkh bag men hoy, amb dhatura doy. phal nahin sarikha e, karjo parikha e..6..
amban sun livlay, sinche dhaturi ay. asa man ati ghani e, amb leva tani e..7..
pin amb gayo kumlay, dhatur rahyo dahday. ay nai jovai jare e, nena nir jhare e..8..
in dishtante jan, shravak vrat amb saman. ivirat alagi rahi e, dhatura sam kahi e..9..
(lay : adharmi avanit)
sevare ivirat koy, varta sahmo joy. te bhula bharma men e, hinsa Dharm men e..10..
ivirat sun bandhe Karm, tin men nahin nishche dharma. tinun karan sarikha e, te birla parikha e..11..
kahe khadhan bandhai Karm, khavayan mishra dharma. e jhuth chalaviyo e, murakh man bhaviyo e..12..
e mishra nahin sakhyat, to kany sardhe e bat. akal nahin mudh men e, te padiya rudh men e..13..
pote nahin budh prakash, lago kuguran ro pas. te nirno nahin kare e, te bhav kuve pade e..14..
sadhu sangat pay, sunai ik chitta lagay. pakhpat parahrai e, khabar begi padai e..15..
anand adi de jan, shravak dasuin bakhan. tyan padima adari e, te charcha padhri e..16..
je je kidho hai tyag, ani man verag. te karni niramli e, karne puri phali e..17..
pin baki rahyo agar, ivirat men anyo ahar. apani nyat men e, samjho in bat men e..18..
ivirat men de datar, te kim utarai bhavpar. marag nahin mokh ro e, chhando lok ro e..19..
data ne anna sudh thay, pin patar ivirat men ay. te kim tarsi e, par utarsi e..20..
sadh supatar soy, data sujhto hoy.
nuno chhe gudh mithyat, tinrai kim vese e bat. Karm ghanan sahi e, samajh pade nahin e..21..
upasag uvai upang, bale suyagda ang. sutar thi udhari e, ivirat alagi kari e..22..
agam nin de sakh, shri vir gaya chhai bhakh. bhaviyan nirno karai e, te bhavsagar tarai e..23..
dei supatran dan, n karai man abhiman. sansar parat karai e, te shiv nagri varai e..24..
dan syun tirya anant, bhashyo shri bhagavant. te dan n janiyo e, nyay n chhaniyo e..25..
sadh supatar soy, data sujhto hoy. asanadik sudh diyo e, tin labh moto liyo e..26..
sadh supatar jan, data shuddha pichhan. aharadik asudh sahi e, behrayan napho nahin e..27..
jo mile mota anagar, pin suddha nahin datar. asanadik asuddha sahi e, pin didhan napho nahin e..28..
ay mile kupatar koy, data an sudh chhai doy. pratilabhyan tirai nahin e, shri Jin mukh sun kahi e..29..
dharo man an vivek, tinan men sudh nahin ek. pratilabhyan Dharm nahin e, sutar men im kahi e..30..
patar data nain ahar, tinu asudh vichar. Dharm n bhakhai jati e, yo jhuth jane mati e..31..