जीवन नै पावन करणै रो, ओ मारग धर्म बतावै है
Jivan Nai Pavan Karnai Ro, O Marag Dharm Batavai Hai
1091
जीवन नै पावन करणै रो, ओ मारग धर्म बतावै है — Lyrics
जीवन नै पावन करणै रो, ओ मारग धर्म बतावै है जुग-जुग स्यूं भटक्या मिनखां नै ओ सूंवै गेलै ल्यावै है ।।
घण भागां स्यूं नर-तन पायो, चिन्तामणि रतन हाथ आयो ऊपरली सुख सुविधा मैं तुं, क्यूं इण रो मोल भुलावै है ।।
घट मैं तो भर्यो खजानो है, बोलो थांस्यूं के छानो है जो इण नै गफलत में खोवे, वो हाथ मसलतो जावै है ।।
अब राख भरोसो तूं अपनो, क्यूं भूल्यो है ओ जग सपनो सपनै री इण मोह माया में, फंस ज्यावै वो पछतावै है ।।
चेतन रो दियो जगाणो है, अंधेरे दूर भगाणो है वीं शुद्ध चेतना में सद्गुण भरणै वालो सुख पावै है ।।
अब धर्म ध्यान रो ले संबल, ‘मुनि मोहजीत’ बढ़णो प्रतिपल इण धर्म नाव मैं बैठे जो, वो भव-सागर तिर ज्यावै है ।
Roman Transliteration
jivan nai pavan karnai ro, o marag Dharm batavai hai jug-jug syun bhatakya minkhan nai o sunvai gelai lyavai hai ..
ghan bhagan syun nar-tan payo, chintamni ratan hath ayo uparli sukh suvidha main tun, kyun in ro mol bhulavai hai ..
ghat main to bharyo khajano hai, bolo thansyun ke chhano hai jo in nai gaphalat men khove, vo hath masalto javai hai ..
ab rakh bharoso tun apano, kyun bhulyo hai o jag sapno sapnai ri in moh maya men, phans jyavai vo pachhtavai hai ..
chetan ro diyo jagano hai, andhere dur bhagano hai vin shuddha chetna men sadgun bharnai valo sukh pavai hai ..
ab Dharm dhyan ro le sambal, ‘Muni mohjit’ badhno pratipal in Dharm nav main baithe jo, vo bhav-sagar tir jyavai hai .