जरा सोच ले तूं मन में स्याणा,
Jara Soch Le Tun Man Men Syana,
1145
जरा सोच ले तूं मन में स्याणा, — Lyrics
जरा सोच ले तूं मन में स्याणा, थारै जीवन रो के आधार है? झोलो बहज्या कठीने पून रो, ई री चंचलता रो के पार है?।।
१. झूठी है काया, झूठी है माया, झूठो है जीवन रो खेलो। झूठा है परिजन, झूठा है सगपण, लाग्यो ज्यूं दो दिन रो मेळो। घेरों लागै जकै दिन मौत रो, सागै जावै नहीं इक तार है।।
२. पौढ्यां रा बंधाण बांधे घणा ही, खुद रो भरोसो नहीं पल रो। चालै जकै सांस री आस काची, रुकतां ही भेद खुलै छळ रो। सोचण सारू न पावै एक पल, सारी योजना बणै बेकार है।।
३. इच्छा तो आकाश ज्यूं है अनंती, पण है पदार्था री सीमा। ईंधन स्यूं धापै नहीं आग भोळा, तो फेर पग तूं धर धीमा। रोक इच्छा रै बढ़ते वेग नै, इच्छा-वर्धन ही तो संसार है।।
४. समता स्यूं रहणो, समता स्यूं सहणो, समता रो जीवन है साचो। भावां में विष सी विषमता न घोळी, मनड़ै ने करजे मत काचो। 'बुद्ध' जीवन री बाजी जीत ले, औ ही उत्तम थारा संस्कार है।।
Roman Transliteration
jara soch le tun man men syana, tharai jivan ro ke adhar hai? jholo bahajya kathine pun ro, i ri chanchalta ro ke par hai?..
1. jhuthi hai kaya, jhuthi hai maya, jhutho hai jivan ro khelo. jhutha hai parijan, jhutha hai sagapan, lagyo jyun do din ro melo. gheron lagai jakai din maut ro, sagai javai nahin ik tar hai..
2. paudhyan ra bandhan bandhe ghana hi, khud ro bharoso nahin pal ro. chalai jakai sans ri as kachi, ruktan hi bhed khulai chhal ro. sochan saru n pavai ek pal, sari yojna banai bekar hai..
3. ichchha to akash jyun hai ananti, pan hai padartha ri sima. indhan syun dhapai nahin ag bhola, to pher pag tun dhar dhima. rok ichchha rai badhte veg nai, ichchha-vardhan hi to sansar hai..
4. samta syun rahno, samta syun sahno, samta ro jivan hai sacho. bhavan men vish si vishamta n gholi, mandai ne karje mat kacho. 'buddha' jivan ri baji jit le, au hi uttam thara sanskar hai..