कर संथारो स्वीकार भारी भार उठायो है।
Kar Santharo Svikar Bhari Bhar Uthayo Hai.
1312
कर संथारो स्वीकार भारी भार उठायो है। — Lyrics
कर संथारो स्वीकार भारी भार उठायो है। जीवन रै ऊंचै महल पर थे कळश चढ़ायो है।।
१. जन्म-मरण रो चक्र सदा स्यूं चलतो ही आयो। पर सारो संसार मरणै स्यूं है घबरायो। विरलो कोई शूर, मौत साम्हो मंड पायो है।।
२. दुनिया रो इतिहास तीन शब्दां में आ ज्यावै। जनमै जियै और यूं ही आखिर में मर ज्यावै। धन बीं रो अवतार, जनम जो सफळ बणायो है।।
३. अनन्त काळ स्यूं ओ तन तो धोखो देतो आयो। पण मानव रो मोह आज तक छूट नहीं पायो। अब खींचो थे सार, हाथ में अवसर आयो है।।
४. स्वामीजी को साझ सदा ही थांरै साथै है। तुलसी प्रभु को हाथ कृपा को थांरै माथै है। संथारो कर थे, ई तन रो लाभ कमायो है।।
५. जीं चढ़तै परिणामां स्यूं थे पचख्यो संथारो। अन्तिम क्षण तक राख निसा ही करज्यो निस्तारो। दर्शन दे 'मुनि-बुद्ध', सरल उपदेश सुणायो है।।
Roman Transliteration
kar santharo svikar bhari bhar uthayo hai. jivan rai unchai mahal par the kalash chadhayo hai..
1. janma-maran ro chakra sada syun chalto hi ayo. par saro sansar marnai syun hai ghabrayo. virlo koi shur, maut samho mand payo hai..
2. duniya ro itihas tin shabdan men a jyavai. janmai jiyai aur yun hi akhir men mar jyavai. dhan bin ro avatar, janam jo saphal banayo hai..
3. ananta kal syun o tan to dhokho deto ayo. pan manav ro moh aj tak chhut nahin payo. ab khincho the sar, hath men avasar ayo hai..
4. svamiji ko sajh sada hi thanrai sathai hai. Tulsi Prabhu ko hath kripa ko thanrai mathai hai. santharo kar the, i tan ro labh kamayo hai..
5. jin chadhtai parinaman syun the pachakhyo santharo. antim kshan tak rakh nisa hi karajyo nistaro. darshan de 'Muni-buddha', saral upadesh sunayo hai..