ओ जिनशासन दीप, भवोदधि द्वीप, भक्तियुत नमन करां,
O Jinshasan Dip, Bhavoddhi Dvip, Bhaktiyut Naman Karan,
1950
ओ जिनशासन दीप, भवोदधि द्वीप, भक्तियुत नमन करां, — Lyrics
ओ जिनशासन दीप, भवोदधि द्वीप, भक्तियुत नमन करां, थांरै संकेतां पर चलकर दुरित हरां।।
मां त्रिशला रा लाल लाडला सिद्धारथ कुल उजियारा, नंदीवर्धन रा लघुभ्राता महावीर जिनवर प्यारा, ओ मंगलमय नाम, सिद्धि रो धाम, प्रतिक्षण म्है सुमरां।।
वर्ष तीस में वैभव तजकर संयम रो पथ अपनायो, सहया भयंकर उपसर्गां ने मनड़ो तनिक न घबरायो, सुणकर थांरी बात, खरा नित नाथ!, कसौटी पर उतरां।।
ऋजुबालिका सरिता तट पर केवल ज्ञान प्रवर पायो, च्यार तीर्थ री करी स्थापना सत्य उजालो फैलायो, संशय रो कर अन्त, बढ़ां उण पंथ, विघ्न रो उदधि तरां।।
गंध हस्ती ज्यूं विचरण करता पावापुरी नगर आया, वर्ष बहत्तर में अघ क्षय कर अविनाशी शिव सुख पाया, ले थांरो आधार, करां भव पार, सदा म्है 'विजय' वरां।।
Roman Transliteration
o jinshasan dip, bhavoddhi dvip, bhaktiyut naman karan, thanrai sanketan par chalakar durit haran..
man trishla ra lal ladla siddharath kul ujiyara, nandivardhan ra laghubhrata Mahavir jinavar pyara, o mangalamay nam, siddhi ro dham, pratikshan mhai sumran..
varsha tis men vaibhav tajakar sanyam ro path apanayo, sahya bhayankar upasargan ne mando tanik n ghabrayo, sunakar thanri bat, khara nit nath!, kasauti par utaran..
rijubalika sarita tat par keval jnan pravar payo, chyar tirtha ri kari sthapna satya ujalo phailayo, sanshay ro kar anta, badhan un panth, vighna ro udadhi taran..
gandh hasti jyun vicharan karta pavapuri nagar aya, varsha bahattar men agh kshay kar avinashi shiv sukh paya, le thanro adhar, karan bhav par, sada mhai 'vijay' varan..
इसी तरह की रचनाएँ
← लय: मरुधर म्हारो देश, पूठरो वेश, मुलकता धोरिया← अनुक्रमणिका