पल पल सफल बणालै तूं भाई
Pal Pal Saphal Banalai Tun Bhai
2037
पल पल सफल बणालै तूं भाई — Lyrics
पल पल सफल बणालै तूं भाई पल पल सफल बणालै तूं ज्ञानी संतां री वाणी नै, अपनालै तूं।।
थांरी म्हारी करतां-करतां मिनख जमारो बीत्यो सारो, भाग दौड़ में ही बहुमोलो सांसां रो घट रीत्यो सारो, धर्म याद नहीं आयो, यूं ही समय गंवायो, मन नै अब समझाले तूं।।1।।
सात पीढ़ियां री चिन्ता में न्याय नीति नै तूं विसराई, याद राख, पर भव जद जासी साथ नहीं चालेला पाई, पाप कमाया भारी, बाजी यूं ही हारी, प्रज्ञा दीप जलालै तूं।।2।।
प्रभुवर रै दिखलाये पथ पर अपणा कदम बढ़ालै तूं सद्गुरु वचन रसायन पीकर अपणी प्यास बुझालै तूं सद्गुण तूं अपनालै, दिल री व्यथा मिटालै, जीवन बाग सजालै तूं।।3।।
बीत्यो अवसर लाख उपायां लोट कदै नहीं पाछो आवै, मोह नींद में सूतो रेह्वै जनम-जनम बो नर पछतावे, जाग अबै भी भाई, करलै धर्म कमाई, मंगल 'विजय' मनालै तूं।।4।।
Roman Transliteration
pal pal saphal banalai tun bhai pal pal saphal banalai tun jnani santan ri vani nai, apanalai tun..
thanri mhari kartan-kartan minakh jamaro bityo saro, bhag daud men hi bahumolo sansan ro ghat rityo saro, Dharm yad nahin ayo, yun hi samay ganvayo, man nai ab samjhale tun..1..
sat pidhiyan ri chinta men nyay niti nai tun visrai, yad rakh, par bhav jad jasi sath nahin chalela pai, pap kamaya bhari, baji yun hi hari, prajna dip jalalai tun..2..
prabhuvar rai dikhlaye path par apana kadam badhalai tun sadguru vachan rasayan pikar apani pyas bujhalai tun sadgun tun apanalai, dil ri vyatha mitalai, jivan bag sajalai tun..3..
bityo avasar lakh upayan lot kadai nahin pachho avai, moh nind men suto rehvai janam-janam bo nar pachhtave, jag abai bhi bhai, karlai Dharm kamai, Mangal 'vijay' manalai tun..4..