प्यारै प्रभु रा दरशण करणै मन म्हारो उमगावै है,
Pyarai Prabhu Ra Darashan Karnai Man Mharo Umagavai Hai,
2137
प्यारै प्रभु रा दरशण करणै मन म्हारो उमगावै है, — Lyrics
प्यारै प्रभु रा दरशण करणै मन म्हारो उमगावै है, सोतां-उठतां एक ही प्रभु री मूरत स्मृति में आवै है।।
प्रभुपद फरशण री आशा में भटक्यो मैं दुनिया सारी, दिन-दिन सूख रही है म्हारै जीवन री आ फुलवारी, कद होसी आ पूर्ण भावना कोई नहीं बतावै है।।1।।
बो ही नाथ जगत् रो, बो ही जन-जीवन रखवारो है, दु:ख-सुख री घड़ियां में बो ही सब रो एक सहारो है, सागर ज्यूं प्रभु री गरिमा रो कोई पार न पावै है।।2।।
स्वार्थ भरी सारी दुनिया में प्रभु ही साचो साथी है, झूठा है सम्बन्ध और मतलब रा सारा न्याती है, प्रभुवर री पावन मुद्रा म्हारै मनड़ै ने भावै है।।3।।
बाट निहारूं कद स्यूं थांरी प्रभुवर अब मत तरसाओ, मझधारा में डोल रही आ नाव पार थे पहुंचाओ, 'विजय' रात-दिन मन-मन्दिर में थांरो ध्यान लगावै है।।4।।
Roman Transliteration
pyarai Prabhu ra darashan karnai man mharo umagavai hai, sotan-uthatan ek hi Prabhu ri murat smriti men avai hai..
prabhupad pharashan ri asha men bhatakyo main duniya sari, din-din sukh rahi hai mharai jivan ri a phulvari, kad hosi a purna bhavna koi nahin batavai hai..1..
bo hi nath jagat ro, bo hi jan-jivan rakhvaro hai, du:kh-sukh ri ghadiyan men bo hi sab ro ek saharo hai, sagar jyun Prabhu ri garima ro koi par n pavai hai..2..
svartha bhari sari duniya men Prabhu hi sacho sathi hai, jhutha hai sambandha aur matalab ra sara nyati hai, prabhuvar ri pavan mudra mharai mandai ne bhavai hai..3..
bat niharun kad syun thanri prabhuvar ab mat tarsao, majhdhara men dol rahi a nav par the pahunchao, 'vijay' rat-din man-mandir men thanro dhyan lagavai hai..4..