प्यारो सांवरियै रो नाम आवै संकट में जो काम
Pyaro Sanvriyai Ro Nam Avai Sankat Men Jo Kam
3011
प्यारो सांवरियै रो नाम आवै संकट में जो काम — Lyrics
प्यारो सांवरियै रो नाम, आवै संकट में जो काम। म्है तो अलख जगावांला, सुमिरण दीप जलावांला।।
जग स्यूं विमुख स्वयं स्यूं सम्मुख, चालै वो ही सन्त, आत्म-मुक्ति रो मार्ग बतावै, वो है तेरापंथ, भिक्षु-भिक्षु री झंकार, जुड़ग्या अन्तर मन रा तार, थांनै दिल में बिठावांला, सुमिरण दीप जलावांला।।
कष्टां री परवाह करै कद, बोलो साचो वीर, धर्म क्षेत्र में देख शिथिलता, जाग उठ्यो रणधीर, चढ़गी चिंतन करतां ताव, लागी पल में तट पर नाव, प्रण पर प्राण चढ़ावांला, सुमिरण दीप जलावांला।।
नवमी नै निष्क्रमण आपरो, रात अंधेरी घोर, चीर बादली तूफानां में, चमक्यो चाँद चकोर, बोलै कण-कण में बलिदान, होग्या लाखां ही कुर्बान, श्रद्धा सुमन चढ़ावांला, सुमिरण दीप जलावांला।।
ध्यान लगातां झटको लागै, हुवै चान्दणो जोर, अन्धेरी ओरी में म्हांरा, नाचै मन रा मोर, चसग्या सिरियारी में दीप, भरगी मोतीड़ा स्यूं सीप, भक्ति रंग रचावांला, सुमिरण दीप जलावांला।।
Roman Transliteration
pyaro sanvriyai ro nam, avai sankat men jo kam. mhai to alakh jagavanla, sumiran dip jalavanla..
jag syun vimukh svayam syun sammukh, chalai vo hi santa, atma-mukti ro marga batavai, vo hai Terapanth, Bhikshu-Bhikshu ri jhankar, judagya antar man ra tar, thannai dil men bithavanla, sumiran dip jalavanla..
kashtan ri parvah karai kad, bolo sacho vir, Dharm kshetra men dekh shithilta, jag uthyo randhir, chadhgi chintan kartan tav, lagi pal men tat par nav, pran par pran chadhavanla, sumiran dip jalavanla..
navmi nai nishkraman aparo, rat andheri ghor, chir badli tuphanan men, chamakyo chand chakor, bolai kan-kan men balidan, hogya lakhan hi kurban, shraddha suman chadhavanla, sumiran dip jalavanla..
dhyan lagatan jhatko lagai, huvai chandano jor, andheri ori men mhanra, nachai man ra mor, chasagya siriyari men dip, bhargi motida syun sip, bhakti rang rachavanla, sumiran dip jalavanla..