सांवरिया थोरै संघ स्यूं लागी म्हांनै प्रीत
Sanvriya Thorai Sangh Syun Lagi Mhannai Prit
3013
सांवरिया थोरै संघ स्यूं लागी म्हांनै प्रीत — Lyrics
सांवरिया थोरै संघ स्यूं, लागी म्हांनै प्रीत। लागी म्हांनै प्रीत सांवरा, गावां भक्ति गीत।।
धर्म क्रांति रा बीज बो दिया, बाबो खेतम खेत। महाप्रभु रै पगल्यां स्यूं, आ बणगी सोनो रेत।।
शिथिलाचारी साध सत्यां री लागी, जेटम जेट। कुण बैठ्यो कितणै पानी में, खोल दिखायो पेट।।
आचारी सन्तां स्यूं राख्यो, बाबो हेतम हेत। भरै बजारां हेम मुनि री, चादर दीन्ही बेंत।।
ज्वार उठै जद समदरियै में, उछलै सीपां संग। मोती तो तल में रह ज्यावै, कच्छ मच्छ रो भंग।।
तुलसी री पुण्याई पहुंची, सात समुद्रां पार। कीरत फैली मुलकां-मुलकां, पग-पग जय-जयकार।।
ईं गण नै नहीं लागण देस्यां, ठण्डी ताती पून। आंख्यां लाल उठावै गण पर, कुणसी देखी सूंन।।
बावै री बाड़ी में लाग्यो, देखो ठाठम ठाठ। स्वामीजी रे जीवन स्यूं सब, सीखो समता पाठ।।
Roman Transliteration
sanvriya thorai Sangh syun, lagi mhannai prit. lagi mhannai prit sanvra, gavan bhakti git..
Dharm kranti ra bij bo diya, babo khetam khet. mahaprabhu rai pagalyan syun, a bangi sono ret..
shithilachari sadh satyan ri lagi, jetam jet. kun baithyo kitnai pani men, khol dikhayo pet..
achari santan syun rakhyo, babo hetam het. bharai bajaran hem Muni ri, chadar dinhi bent..
jvar uthai jad samadriyai men, uchhalai sipan sang. moti to tal men rah jyavai, kachchha machchha ro bhang..
Tulsi ri punyai pahunchi, sat samudran par. kirat phaili mulkan-mulkan, pag-pag jay-jaykar..
in gan nai nahin lagan desyan, thandi tati pun. ankhyan lal uthavai gan par, kunsi dekhi sunn..
bavai ri badi men lagyo, dekho thatham thath. svamiji re jivan syun sab, sikho samta path..