सिरियारी रे कण—कण में, चहुँ दिशि में गिरी उपवन में,
Siriyari Re Kan—Kan Men, Chahun Dishi Men Giri Upavan Men,
2370
सिरियारी रे कण—कण में, चहुँ दिशि में गिरी उपवन में, — Lyrics
सिरियारी रे कण—कण में, चहुँ दिशि में गिरी उपवन में, महकै है मधुर—मधुर सौरभ नित, भीखण री श्रद्धा पूरित हर मन में, सोतां उठतां क्षण—क्षण में, महके है मधुर—मधुर सौरभ नित भीखण री ।।
नाम मंत्र ज्यूँ प्रभु रो साचो, रोग शोक दुःख दूर करे, श्रद्धा स्यूं जो ध्यावै, भव सागर स्यूं उण री नाव तरै, होवै है हरपल मंगल, पावै है आत्मिक संबल, महकै है... ।।1।।
नगर केलवा अंधेरी ओरी में होग्यो चाँदणियो, जोधाणै री हाटां में, दीवानजी अद्भुत अर्थ दियो, तेरापंथ री नींव लगी, सत्य धर्म री अलख जगी, महकै है... ।।2।।
प्रलोभनां री चिकणी माटी में दीपासुत नहीं फिसल्यो, धरती रा हा भाग स्वाम रो, सोच्यो इक दिन स्वप्न फल्यो, हटगी दूर घटा काली, छाई सबमें खुशहाली, महकै है... ।।3।।
तपस्विनी सरिता में तपकर, बाबो पंथ निकाल्यो हो, अगणित सह्या थपेड़ा युग रा, मनडो कदै न हाल्यो हो, जीती जीवन री बाजी, द्वेषीजन होग्या राजी, महकै है... ।।4।।
ध्यान अवस्था में ही बाबो, अन्तिम अभिनिष्क्रमण कर्यो, सिरियारी रो धाम देखल्यो, रेवै हरदम हर्हो—भर्यो, भक्ति भाव स्यूं सब आवै, ‘विजय’ शान्ति मन में पावै, महकै है... ।।5।।
Roman Transliteration
siriyari re kan—kan men, chahun dishi men giri upavan men, mahkai hai madhur—madhur saurabh nit, Bhikhan ri shraddha purit har man men, sotan uthatan kshan—kshan men, mahke hai madhur—madhur saurabh nit Bhikhan ri ..
nam Mantra jyun Prabhu ro sacho, rog shok duhkh dur kare, shraddha syun jo dhyavai, bhav sagar syun un ri nav tarai, hovai hai harapal Mangal, pavai hai atmik sambal, mahkai hai... ..1..
nagar kelva andheri ori men hogyo chandniyo, jodhanai ri hatan men, divanji adbhut artha diyo, Terapanth ri ninv lagi, satya Dharm ri alakh jagi, mahkai hai... ..2..
pralobhnan ri chikni mati men dipasut nahin phisalyo, dharti ra ha bhag svam ro, sochyo ik din svapna phalyo, hatgi dur ghata kali, chhai sabmen khushhali, mahkai hai... ..3..
tapasvini sarita men tapakar, babo panth nikalyo ho, aganit sahya thapeda yug ra, mando kadai n halyo ho, jiti jivan ri baji, dveshijan hogya raji, mahkai hai... ..4..
dhyan avastha men hi babo, antim abhinishkraman karyo, siriyari ro dham dekhalyo, revai haradam harho—bharyo, bhakti bhav syun sab avai, ‘vijay’ shanti man men pavai, mahkai hai... ..5..