सन्ता! शासण ओ स्वामीजी रो
Santa! Shasan O Svamiji Ro
2440
सन्ता! शासण ओ स्वामीजी रो — Lyrics
सन्ता! शासण ओ स्वामीजी रो सन्तां! शासण ओ स्वामीजी रो, जग में अणमोल हीरो, गौरवमय जिन शासन री शान है, हो संता! आपां रै आस्था रो आस्थान है।।
तेरापंथ अनन्त शान्ति रो साधन है, शोधन अनुशासन रो उदाहरण है विधनहरण अविधन है। लाखां-लाखां रो जीवन धन है, जन-जन रो संजीवन है, दीनां रो अत्राणं रो त्राण है।।
ज्ञान, ध्यान, री पावनधारा बहे सदा क्षण-क्षण में, नया-नया आयाम प्रगति रा जागृति है कण-कण में। प्रेक्षा सरिता में जनता न्हावै, जड़ता जड़ स्यूं मिट ज्यावै, पावै सहज्यां जीवन विज्ञान है।।
तीव्र तपोबल धारी भारी, सन्त हुया इण गण में रम्या निरन्तर श्रम, सेवा युत संयम रै प्रांगण में। अनशन पातापन इचरजकारी, आचार्या स्यूं इकतारी, सारी स्थितियां रो अनुसंधान है।।
काढ़े गली गिंवार महाजन जय गुरु आणां ओटी, म्हारै आप बाप हो गुरुवर चढ़ग्यो कनक कसौटी। आ है अपणे शासण री शैली, अद्भुत अनुभूत नवेली, जुग जुग रो जो इतिहास प्रमाण है।।
आज्ञा अनुशासन रा भागल भटक्या हा भटकै है, 'णो हव्वाए णो पाराए' अधबिच ही लटकै है। देखो अब तक की ख्यात पुराणी, पावो प्रत्यय पितवाणी, भिक्षू वाणी रो ओ वरदान है।।
मर्यादा री मीनारां पर अक्षय जोत जलावां, मानव मन रे गलियारां रो तामस दूर भगावां। भावी पीढ़ी ने सुघड़ बणावां, गहरा संस्कार जमावां, मर्यादा मोच्छव रो आह्वान है।।
मालाणी जसबल जनबल री छटा छबीली छाई, भी भा रा ज म मा डा का करुणा 'तुलसी' तरुणाई। चांरू तीरथ में खूब खुशाली, खिलरी है रूं-रूंवाली, अब जल्दी मेवाड़ां प्रस्थान है।।
Roman Transliteration
santa! shasan o svamiji ro santan! shasan o svamiji ro, jag men anamol hiro, gauravamay Jin shasan ri shan hai, ho santa! apan rai astha ro asthan hai..
Terapanth ananta shanti ro sadhan hai, shodhan anushasan ro udaharan hai vidhanaharan avidhan hai. lakhan-lakhan ro jivan dhan hai, jan-jan ro sanjivan hai, dinan ro atranam ro tran hai..
jnan, dhyan, ri pavandhara bahe sada kshan-kshan men, naya-naya ayam pragti ra jagriti hai kan-kan men. Preksha sarita men janta nhavai, jadta jad syun mit jyavai, pavai sahajyan jivan vijnan hai..
tivra tapobal dhari bhari, santa huya in gan men ramya nirantar shram, seva yut sanyam rai prangan men. anashan patapan icharajkari, acharya syun ikatari, sari sthitiyan ro anusndhan hai..
kadhe gali ginvar mahajan jay Guru anan oti, mharai ap bap ho guruvar chadhagyo kanak kasauti. a hai apane shasan ri shaili, adbhut anubhut naveli, jug jug ro jo itihas praman hai..
ajna anushasan ra bhagal bhatakya ha bhatkai hai, 'no havvae no parae' adhabich hi latkai hai. dekho ab tak ki khyat purani, pavo pratyay pitvani, bhikshu vani ro o vardan hai..
maryada ri minaran par akshay jot jalavan, manav man re galiyaran ro tamas dur bhagavan. bhavi pidhi ne sughad banavan, gahra sanskar jamavan, maryada mochchhav ro ahvan hai..
malani jasabal janabal ri chhata chhabili chhai, bhi bha ra j m ma da ka karuna 'Tulsi' tarunai. chanru tirath men khub khushali, khilri hai run-runvali, ab jaldi mevadan prasthan hai..