संयम है जीवन रो अमरित,
Sanyam Hai Jivan Ro Amarit,
2452
संयम है जीवन रो अमरित, — Lyrics
संयम है जीवन रो अमरित, तूं नैतिकता नै अपणा ले। तन मन दोनूं पावन बणज्या, अणुव्रत री गगा में न्हा ले।।
१. मानव रो जीवन पायो है, ऊंचे आदर्शां स्यूं जीणो। टक्कै रै मोल न गिण लेई, तूं समझी ईं नै लाखीणो। ओ अवसर है, बस उलझ्योड़ै-भावां री गुत्थी सुळझा ले।।
२. दूषित जीवन जीणैवाळा, जीवन रो मोल नहीं जाणै। हर बार चूकता ही जावै, गिर ज्यावै उठणै रै टाणै। मत चूकी तूं, अै अवसर रा, बायोड़ा मोती निपजा ले।।
३. जन काम-क्रोध रै वश होकर, अपणै आपै ने खो देवै। दे रास ओपरै हाथां में, सौ-सौ दुखड़ा सिर पर लेवै। तूं बण खुद रो स्वामी खुद ही, मन की कुंठावां झड़का ले।।
४. जो व्यक्ति सुधरसी तो समष्टि भी, नैतिक पथ पर मुड़ ज्यासी। जुड़सी आकृति जद मानव री, जग रो नक्शो भी जुड़ ज्यासी। तूं 'बुद्ध' स्वयं नै साध जरा, गुण रा रावळिया रळका ले।।
Roman Transliteration
sanyam hai jivan ro amarit, tun naitikta nai apana le. tan man donun pavan banajya, Anuvrat ri gaga men nha le..
1. manav ro jivan payo hai, unche adarshan syun jino. takkai rai mol n gin lei, tun samjhi in nai lakhino. o avasar hai, bas ulajhyodai-bhavan ri gutthi suljha le..
2. dushit jivan jinaivala, jivan ro mol nahin janai. har bar chukta hi javai, gir jyavai uthanai rai tanai. mat chuki tun, ai avasar ra, bayoda moti nipja le..
3. jan kam-krodh rai vash hokar, apanai apai ne kho devai. de ras oparai hathan men, sau-sau dukhda sir par levai. tun ban khud ro Swami khud hi, man ki kunthavan jhadka le..
4. jo vyakti sudharsi to samashti bhi, naitik path par mud jyasi. judsi akriti jad manav ri, jag ro naksho bhi jud jyasi. tun 'buddha' svayam nai sadh jara, gun ra ravliya ralka le..