सो ही सयाणा! नेम चितारै
So Hi Sayana! Nem Chitarai
2459
सो ही सयाणा! नेम चितारै — Lyrics
सो ही सयाणा! नेम चितारै
सो ही सयाणा! नेम चितारै, श्रावक ते आतम निस्तारै।।
सचित द्रव्य विगय परिहार पन्नी तंबोल वस्त्र सुविचार। फूल वाहन शयन सुखकार, विलेपन ब्रह्मचर्य धार।।१।।
दिशि तणो करै परिमाण, स्नान तणी मर्यादा आण। भात तणो नियम बलि जाण, चवदै नियम सीखै गुणखाण।।२।।
पृथ्वी अप तेऊ वले वाय, वनस्पति त्रस ए छहुं काय। कूटण पीटण छेदण करै काय, परिमाण करै मन समता लाय।।३।।
असनादिक नां द्रव्य अनेक, परिमाण करै मन समता छेक। दूध दही घृत ने मिष्टान्न, तैल बले विविध पकबात्र।।४।।
मद्य मांस अभक्ष कहाय, श्रावक तो नहीं सेवै ताय। माखण मधु नो करै परिमाण, श्रावक ते कहिये गुण खाण।।५।।
विगय तणो करै पचखाण, समता बसावै दिल मां आण। चर्म तणी तथा वस्त्र नीं जोय, पन्नी पावड़ियादिक अवलोय।।६।।
पान सुपारी एलायची पेख, वस्त्र वासना द्रव्य अनेक। चित में समता धारै चङ्ग, तांबुल नेम धारै मन रङ्ग।।७।।
सूत ऊनी रेशम नो जोय, वस्त्र अभिग्रह धारै सोय। फूलादिक सुगंध अपार, सूंघण मेरा करै सुखसार।।८।।
अश्व रथादिक नी असवारी, वाहन अभिग्रह करै मन वारी। पल्यंकादिक सयण सुजान बैसण सोवण विध परिमाण।।९।।
(लय : सो ही सयाणा अवसर)
केशर चन्दण ने घणसार, विलेपन नीं मर्याद विचार। देव मनुष्य तिर्यंच नां जोय, भोग छांड़ी ब्रह्मचारी होय।।१०।।
पूर्व पश्चिम उत्तर दक्षिण, उर्द्ध अधो धारै विचक्षण। भ्रमण तणो मन मेटी भ्रम, पाप सेवन त्यागै दिल नर्म।।११।।
एक दोय उपरान्त उदार, अंग पखालण करै परिहार। हस्त पाद धोवण विध जोय, ते पिण त्यागै समता वसोय।।१२।।
असनादिक चिहुं विधि आहार, त्यामें एक बे आदि त्यागै सार। तथा तोल मान करै जेह, भात गिनत संख्या धारेह।।१३।।
एह चवदै नेम कहीजै, त्यांमें लेन बेचन बहु काम गिणीजै। खावण पीवण मर्याद करीजै, करण जोग दिल मांह धरीजै।।१४।।
अनन्त काल भव भ्रमण मिटावै, सुख सम्पति आनन्द उपावै। चवदै नेम हृदय जे ध्यावै, नरक निगोद मांहे नहीं जावै।।१५।।
दुर्लभ लाधो मनुष्य जमारो, आर्य क्षेत्र सुकुल अवतारो। आण अखंडित सूं आराधो, तो शिवरमणी नां सुख साधो।।१६।।
अंग अश्व ग्रह चंद कहावै, भाद्र कृष्ण पञ्चम दरसावै। शी-कालू करुणा सुपसायो, ऋषि राम आनन्द निधि आयो।।१७।।
अल्प मात्र विस्तार ए कीधो, बुद्धिवन्त जाण लेतै बहु विधो। गंगापुर श्रावक गुण गाया, ढाल जोड़ी ए युक्ति लगाया।।१८।।
Roman Transliteration
so hi sayana! nem chitarai
so hi sayana! nem chitarai, shravak te atam nistarai..
sachit dravya vigay parihar panni tambol vastra suvichar. phul vahan shayan sukhkar, vilepan brahmacharya dhara..1..
dishi tano karai pariman, snan tani maryada an. bhat tano niyam bali jan, chavdai niyam sikhai gunkhana..2..
prithvi ap teu vale vay, vanaspati tras e chhahun kay. kutan pitan chhedan karai kay, pariman karai man samta laya..3..
asanadik nan dravya anek, pariman karai man samta chhek. dudh dahi ghrit ne mishtanna, tail bale vividh pakbatra..4..
madya mans abhaksha kahay, shravak to nahin sevai tay. makhan madhu no karai pariman, shravak te kahiye gun khana..5..
vigay tano karai pachkhan, samta basavai dil man an. charma tani tatha vastra nin joy, panni pavdiyadik avaloya..6..
pan supari elaychi pekh, vastra vasna dravya anek. chit men samta dharai changa, tambul nem dharai man ranga..7..
sut uni resham no joy, vastra abhigrah dharai soy. phuladik sugandh apar, sunghan mera karai sukhsara..8..
ashva rathadik ni asavari, vahan abhigrah karai man vari. palyankadik sayan sujan baisan sovan vidh parimana..9..
(lay : so hi sayana avasar)
keshar chandan ne ghansar, vilepan nin maryad vichar. Dev manushya tiryanch nan joy, bhog chhandi brahmachari hoya..10..
purva pashchim uttar dakshin, urddha adho dharai vichakshan. bhraman tano man meti bhram, pap sevan tyagai dil narma..11..
ek doy uparanta udar, ang pakhalan karai parihar. hasta pad dhovan vidh joy, te pin tyagai samta vasoya..12..
asanadik chihun vidhi ahar, tyamen ek be adi tyagai sar. tatha tol man karai jeh, bhat ginat sankhya dhareha..13..
eh chavdai nem kahijai, tyammen len bechan bahu kam ginijai. khavan pivan maryad karijai, karan jog dil manh dharijai..14..
ananta kal bhav bhraman mitavai, sukh sampati ananda upavai. chavdai nem hriday je dhyavai, narak nigod manhe nahin javai..15..
durlabh ladho manushya jamaro, arya kshetra sukul avataro. an akhandit sun aradho, to shivaramni nan sukh sadho..16..
ang ashva grah chand kahavai, bhadra Krishna pancham darsavai. shi-Kalu karuna supsayo, rishi Ram ananda nidhi ayo..17..
alpa matra vistar e kidho, buddhivanta jan letai bahu vidho. gangapur shravak gun gaya, dhal jodi e yukti lagaya..18..