सुणिये भवि! भल भाव स्यूं रे, भिक्षु लिखत महिमाण।
Suniye Bhavi! Bhal Bhav Syun Re, Bhikshu Likhat Mahiman.
2536
सुणिये भवि! भल भाव स्यूं रे, भिक्षु लिखत महिमाण। — Lyrics
सुणिये भवि! भल भाव स्यूं रे, भिक्षु लिखत महिमाण। भलां जी कांई।।
१. भिक्षु गणिवर भरत में रे भारि कियो उपकार। जैन जगायो जगत में रे धैर्य मैरु रो धार।।
२. अन्तिम अवसर जो रच्यो रे मर्यादा रो कोट। जिण में रमतां संघ में रे नहिं आवै कोइ खोट।।
३. एक-एक वयणावली रे रयणावलि रै तोल। शिक्षा-भाव भरयो जिहां रे तिण रो नहिं कोइ मोल।।
४. सर्व साधु अरु साधवी रे भारिमाल री आण। आराधी ने विचरणो रे मास चौमास प्रमाण।।
५. बिन आज्ञा रहणो नहीं रे दीक्षा देणी देख। भारिमाल रे नाम स्यूं रे ल्या सूंपे आ रेख।।
६. चेला-चेली सुखकरू रे खेतर ममता आण। अमित जीव चारित वमी रे नरक-निगोदां ठाण।।
७. भेखधार्यां रा म्हे बली रे एहवा चरित निभाल। शिख-शाखा संतोख रो रे कियो उपाय विशाल।।
८. भेखधारी विकलां भणी रे मूंड करै विखवाद। मांहो-मां इक-एक रारे बोले अवगुणवाद।।
९. कजिया-राड़ करै घणी रे तिण स्यूं आ मर्याद। परमातम पद हित रचीरे ज्यूं नहिं बड़े विवाद।।
१०. साध-साधवी पिण कह्यो रे भारिमाल री आण आराधो, निज नाम स्यूं रे चेला रा पचखाण।।
११. भारिमाल दीख्या दीये रे तो पिण देखी जोग। पाछै पिण झट छोड़णो रे निककै कोय अजोग।।
१२. नव पदार्थ परखाय ने रे दीख्या देणी देख। वर्तमान आचार है रे पालो त्यूं सुविशेख।।
१३. भारिमाल इच्छा थकी रे सूंपै शासन-भार। गुरु भाई चेला भणी रे तसु आज्ञा स्वीकार।।
१४. रीत परंपर एह छै रे जब लग मुनिवर-माग। अशुभ कर्म उदये कदा रे इक बे त्रिण हतभाग।।
१५. गण बाहिर विक्कल हुवे रे धुरताई दिल धार। बक-ध्यानी मानी बणै रे साध न सरधो लिगार।।
१६. च्यार तीरथ मांही नहीं रे गिणणो तिण रो नाम। वांदेपूणे तेहने रे ते जिन-मारग-वाम।।
१७. कदा वली दीक्षा ग्रह रे और साधां नैं जाण। असाधु श्रद्धायवा रे तो तस साध म माण।।
१८. छेड़वियां ओ आछ दे रे मत मानो तस बात। भव-भ्रमण आरे कियो रे दीसे छै साक्षात।।
१९. कर्म धक्के गण स्यूं टली रे अवगुण बोलण त्याग। हूंता अणहूंता भला रे साख सिद्ध बड़भाग।।
२०. विटल सूंस भागे कदा रे हलुकर्मी तस बात। नहिं माने उण सारिखो रे मान्यां लेखे नात।।
२१. किण हि छोड़ण मेलण तणो रे चरचा-बोल रो काम। बुद्धिवंत संचे बेसाणणो रे खंच न करणी निकाम।।
२२. कर्म धक्के गण स्यूं टली रे श्रद्धा-क्षेत्र मझार। एक रात मारग तजी रे रहिवो नांहि लिगार।।
२३. एक भाई बाई जिहां रे कारण स्यूं रहै जोय। पांच विगय ने सूंखडी रे त्याग तास अवलोय।।
२४. पुस्तक पानां जो लिखै रे जाचै जो उपकरण। बाहिर नहि लेजावणां रे त्याग पंचपद शरण।।
२५. बोदी एक पछेवड़ी रे चोलपटो तिम एक। मुंहपति रजहरणो तजी रे संग न लेणा छेक।।
२६. खेत्र त्याग रै कारणैं रे पूछे जो कोइ बात। तसु उत्तर इम आखणो रे भिक्षु-वचन अवदात।।
२७. राग-द्वेष बधती लखी रे घटतो लख उपकार। क्लेश-कदाग्रह नां हुवे रे त्याग कराया धार।।
२८. लिखतू ऋषि भिक्खण तणो रे अठारै गुणसठ साल। माघ मास सुद सप्तमी रे वार शनैश्चर भाल।।
२९. जय-जय भिक्षू गणपती रे रची संघ री ख्यात। इक दंडी जिन-धर्म री रे बाजी जग-विख्यात।।
३०. भारिमाल ऋषिराय जी रे जय मघ माणकलाल। डालिम सप्तम सेहरो रे कालू पूज्य कृपाल।।
३१. संवत दोय हजार में रे गंगाशहर सुप्यार। माघोत्सव मेलो मंड्यो रे हुलसित सुजन अपार।।
३२. इक सौ गुणसठ मुनि सहू रे श्रमणी संख्या माण। सोभै सित्त तीन सौ रे इक गुरु आण प्रमाण।।
Roman Transliteration
suniye bhavi! bhal bhav syun re, Bhikshu likhat mahiman. bhalan ji kani..
1. Bhikshu ganivar bharat men re bhari kiyo upakar. Jain jagayo jagat men re dhairya mairu ro dhar..
2. antim avasar jo rachyo re maryada ro kot. jin men ramtan Sangh men re nahin avai koi khot..
3. ek-ek vaynavali re raynavali rai tol. shiksha-bhav bharyo jihan re tin ro nahin koi mol..
4. sarva sadhu aru sadhvi re bharimal ri an. aradhi ne vicharno re mas chaumas praman..
5. bin ajna rahno nahin re diksha deni dekh. bharimal re nam syun re lya sumpe a rekh..
6. chela-cheli sukhakru re khetar mamta an. amit jiv charit vami re narak-nigodan than..
7. bhekhdharyan ra mhe bali re ehava charit nibhal. shikh-shakha santokh ro re kiyo upay vishal..
8. bhekhdhari viklan bhani re mund karai vikhvad. manho-man ik-ek rare bole avagunvad..
9. kajiya-rad karai ghani re tin syun a maryad. parmatam pad hit rachire jyun nahin bade vivad..
10. sadh-sadhvi pin kahyo re bharimal ri an aradho, nij nam syun re chela ra pachkhan..
11. bharimal dikhya diye re to pin dekhi jog. pachhai pin jhat chhodno re nikkai koy ajog..
12. nav padartha parkhay ne re dikhya deni dekh. vartaman achar hai re palo tyun suvishekh..
13. bharimal ichchha thaki re sumpai shasan-bhar. Guru bhai chela bhani re tasu ajna svikar..
14. rit parampar eh chhai re jab lag munivar-mag. ashubh Karm udaye kada re ik be trin hatbhag..
15. gan bahir vikkal huve re dhurtai dil dhar. bak-dhyani mani banai re sadh n sardho ligar..
16. chyar tirath manhi nahin re ginno tin ro nam. vandepune tehne re te Jin-marag-vam..
17. kada vali diksha grah re aur sadhan nain jan. asadhu shraddhayva re to tas sadh m man..
18. chhedviyan o achh de re mat mano tas bat. bhav-bhraman are kiyo re dise chhai sakshat..
19. Karm dhakke gan syun tali re avagun bolan tyag. hunta anahunta bhala re sakh Siddha badbhag..
20. vital suns bhage kada re halukarmi tas bat. nahin mane un sarikho re manyan lekhe nat..
21. kin hi chhodan melan tano re charcha-bol ro kam. buddhivant sanche besanno re khanch n karni nikam..
22. Karm dhakke gan syun tali re shraddha-kshetra majhar. ek rat marag taji re rahivo nanhi ligar..
23. ek bhai bai jihan re karan syun rahai joy. panch vigay ne sunkhdi re tyag tas avaloy..
24. pustak panan jo likhai re jachai jo upakaran. bahir nahi lejavnan re tyag panchapad sharan..
25. bodi ek pachhevdi re cholapto tim ek. munhapti rajaharno taji re sang n lena chhek..
26. khetra tyag rai karnain re puchhe jo koi bat. tasu uttar im akhano re Bhikshu-vachan avadat..
27. rag-dvesh badhti lakhi re ghatto lakh upakar. klesh-kadagrah nan huve re tyag karaya dhar..
28. likhtu rishi bhikkhan tano re atharai gunasath sal. magh mas sud saptami re var shanaishchar bhal..
29. jay-jay bhikshu ganapti re rachi Sangh ri khyat. ik dandi Jin-Dharm ri re baji jag-vikhyat..
30. bharimal rishiray ji re jay magh manaklal. dalim saptam sehro re Kalu pujya kripal..
31. sanvat doy hajar men re gangashahar supyar. maghotsav melo mandyo re hulsit sujan apar..
32. ik sau gunasath Muni sahu re shramni sankhya man. sobhai sitta tin sau re ik Guru an praman..