स्वामीजी म्हानै दरसण दीन्हाजी
Svamiji Mhanai Darasan Dinhaji
3032
स्वामीजी म्हानै दरसण दीन्हाजी — Lyrics
स्वामीजी म्हानै दरसण दीन्हाजी। दरसण दीन्हां प्रेम स्यूं म्हारै माथै पर धर हाथ। स्वामीजी म्हानै दरसण दीन्हाजी! म्हारै मनड़े री पूछी दो बात। सांवली सूरत सोवणी, तपुंतपुं करतो ललाट। काजलिया प्यालां जीसी, आंख्यां करै पलाट। काना केश सुहावणा, लम्बी लम्बी लहराती लोल। एकल मूंहां भंवर सी, चंदै सो चहरो गोल। लम्बो कद लम्बी ग्रीवा, लम्बा लम्बा गोडां तांणी हाथ। तीखी तीखी लम्बी लम्बी आंगल्यां, हथेल्यां हिंगलू री जात। भरवां अंग-अंग भलकतो, चूड़ी उतार शरीर। सीनो बबर्ची शेर सो, मुद्रा मृदु गंभीर। मुखड़ै ओपै मुंहपती, खांधै पर ओगो सुरंग। झोली डावा हाथ में, मलपती चाल मतंग। उभर्या पगां री चलकती, नख-द्युति अजब अमीर। क्यूं रै? कह्यो स्वामी मुलकतां, खुलग्या म्हारां तकदीर। आठे तेरस भाद्रवी, मेह अंधारी रात। ‘चम्पक बिरधी भवन में, सुपनै में सुपनै सी बात।
Roman Transliteration
svamiji mhanai darasan dinhaji. darasan dinhan prem syun mharai mathai par dhar hath. svamiji mhanai darasan dinhaji! mharai mande ri puchhi do bat. sanvli surat sovni, tapuntpun karto lalat. kajliya pyalan jisi, ankhyan karai palat. kana kesh suhavna, lambi lambi lahrati lol. ekal munhan bhanvar si, chandai so chahro gol. lambo kad lambi griva, lamba lamba godan tanni hath. tikhi tikhi lambi lambi angalyan, hathelyan hinglu ri jat. bharvan ang-ang bhalakto, chudi utar sharir. sino babarchi sher so, mudra mridu gambhir. mukhdai opai munhapti, khandhai par ogo surang. jholi dava hath men, malapti chal matang. ubharya pagan ri chalakti, nakh-dyuti ajab amir. kyun rai? kahyo Swami mulaktan, khulagya mharan takdir. athe teras bhadravi, meh andhari rat. ‘champak birdhi bhavan men, supnai men supnai si bat.