स्वामीजी! थांरै चरणां री बलिहारी जावां हां,
Svamiji! Thanrai Charnan Ri Balihari Javan Han,
2576
स्वामीजी! थांरै चरणां री बलिहारी जावां हां, — Lyrics
स्वामीजी! थांरै चरणां री बलिहारी जावां हां, म्हे लुळ-लुळ सीस झुकावां हां। म्हे तन-मन भेंट चढ़ावां हां।।
१. साहस रा थे हा पुतळा हद नींवां गहरी बांधी, डिगै न गण रो महल मनोहर, बिरखा हो चाहे आंधी। थांरी सूझ-बूझ रो कोई पार न पावां हां।।
२. सामी छाती कष्ट सह्या थे, कदे न पग दियो पाछो, जीत पागड़े रही सदा ही, नाम मंत्र सो साचो। हीरै जिसो खरो जीवन हो, तेज सरावां हां।।
३. बिखरयां नै थे दी मरजादा, एक डोर में बांध्या, टूट्या दिल रा तार सहज ही, प्रेम-भाव स्यूं सांध्या। संजम रो शुभ पंथ दिखायो, आनन्द पावां हां।।
४. समकित-चारित रा पग-पग पर, उजळा दीप जळाया, मिट्यो अंधेरो घट-घट रो, जग आगै कदम बढ़ाया। जन-मन रा थे बण्या देवता, गौरव गावां हां।।
५. गोहाटी में लग्यो रंग, भैक्षव-शासन रो भारी, महामोच्छव री चहल-पहल, ज्यूं फूली है फुलवारी। 'बुद्ध' आज स्वामीजी रा म्हे, ढोल घुरावां हां।।
Roman Transliteration
svamiji! thanrai charnan ri balihari javan han, mhe lul-lul sis jhukavan han. mhe tan-man bhent chadhavan han..
1. sahas ra the ha putla had ninvan gahri bandhi, digai n gan ro mahal manohar, birkha ho chahe andhi. thanri sujh-bujh ro koi par n pavan han..
2. sami chhati kashta sahya the, kade n pag diyo pachho, jit pagde rahi sada hi, nam Mantra so sacho. hirai jiso kharo jivan ho, tej saravan han..
3. bikharyan nai the di marjada, ek dor men bandhya, tutya dil ra tar sahaj hi, prem-bhav syun sandhya. sanjam ro shubh panth dikhayo, ananda pavan han..
4. samkit-charit ra pag-pag par, ujala dip jalaya, mityo andhero ghat-ghat ro, jag agai kadam badhaya. jan-man ra the banya devta, gaurav gavan han..
5. gohati men lagyo rang, bhaikshav-shasan ro bhari, mahamochchhav ri chahal-pahal, jyun phuli hai phulvari. 'buddha' aj svamiji ra mhe, dhol ghuravan han..