थारो मन सूं ही भरमायो,
Tharo Man Sun Hi Bharmayo,
2637
थारो मन सूं ही भरमायो, — Lyrics
थारो मन सूं ही भरमायो, भलै बुरै रो भेद न जाण्यो, साची राह न पायो।।
१. बारै भागा-भाग मचाई, भीतर लियो न झांक। निरख-निरख तन हरख्यो यूं ही, खुली न अंतर आंख। भरी दुपहरी में घर थारै, घोर अंधेरो छायो।।
२. प्यास अनन्ती पाणी थोड़ो, चिहुं दिशि लागी लाय। आपाधापी माच रही है, सघळा तिसिया जाय। घाट-घाट तृष्णा रै घूम्यो, पण सन्तोष न आयो।।
३. काम क्रोध मद लोभ घणा ही, अवगुण घेरयो आय। जाळ-फंसी मछली ज्यूं तड़फै, पण निकळ्यो नहीं जाय। उजळी चादर सो जीवन हो, काळो दाग लगायो।।
४. घटै आउखो बढ़ै लालसा, किणविध होसी पार? बांध रयो बंधाण दूर रा, जीणो दिन दो-च्यार। बुद्ध! मोल समझयो जीवंन रो, पूरो लाभ कमायो।।
Roman Transliteration
tharo man sun hi bharmayo, bhalai burai ro bhed n janyo, sachi rah n payo..
1. barai bhaga-bhag machai, bhitar liyo n jhank. nirakh-nirakh tan harakhyo yun hi, khuli n antar ankh. bhari dupahri men ghar tharai, ghor andhero chhayo..
2. pyas ananti pani thodo, chihun dishi lagi lay. apadhapi mach rahi hai, saghla tisiya jay. ghat-ghat trishna rai ghumyo, pan santosh n ayo..
3. kam krodh mad lobh ghana hi, avagun gheryo ay. jal-phansi machhli jyun tadphai, pan nikalyo nahin jay. ujali chadar so jivan ho, kalo dag lagayo..
4. ghatai aukho badhai lalsa, kinvidh hosi par? bandh rayo bandhan dur ra, jino din do-chyar. buddha! mol samajhyo jivann ro, puro labh kamayo..