तीन बोलां करी
Tin Bolan Kari
2644
तीन बोलां करी — Lyrics
तीन बोलां करी
तीन बोलां करी जीव नैं जी, अल्प आउखो बंधाय, हिंसा करै प्राणी जीव री, बलि बोलै मूषा बाय जी। साधां ने अशुद्ध बहिराय जी, हिंसा करि चोखी जायगां बणाय जी। साधां ने उतारण री मन मांय जी, तिणरै अशुभ कर्म बंधाय जी। तीजै ठाणै कह्यो जिनराय जी, बलि सूत्र भगवती मांय जी।। श्री वीर कहे सुण गोयमा!।।१।।
दड़ै लीपै साधु कारणै जी, छपरा देवै छाय। केलू पिण फिरतां थकां, जमिया जाला उखेलै ताय जी। लीलण फूलण मारी जाय जी, अनन्ता जीव छै तिण रै म्हांय जी। बले अवर हणी छ: काय जी, तिण री दया न आणी काय जी। तिण रै अल्प आयू बंधाय जी, श्री वीर कहै सुण गोयमा!।।२।।
नींव दिरावै ठेट सूं जी, टांकी बजावै ताय। भेला करि भाटा चीणै, तिण बहुत हणी छ: काय जी। अनन्ता जीव हणिया जाय जी, ते पूरा केम कहिवाय जी। साधां ने उतारणरी मन ल्याय जी, तिण मोटो कियो अन्याय जी। तिण रै अल्प आयू बंधाय जी, श्री वीर कहै सुण गोयमा!।।३।।
जिण गरथ दियो थानक कारणै जी, ते पिण मराई छ: काय किण मोल भाड़ै लै भोगवावै तिण थाप राखी छै ताय जी। इत्यादिक दोषीला कहिवाय जी, खीणै खोदै समों करै जाय जी। विधि विधि स्यूं मारी छह काय जी, बलि मन मांही हरसित थाय जी। तिण रे अल्प आयुष्य बंधाय जी, श्री वीर कहै सुण गोयमा।।४।।
(लय : मन मोहनगारो म्हांरो नाथजी)
आहार सेज्या वस्त्र पातरा जी, इत्यादिक द्रव्य अनेक। अशुद्ध बहिरावै साधु नें ते डूबा बिना विवेक जी। त्यां झाली कुगुरां री टेक जी, त्यारै कर्म आड़ी काली रेख जी। त्यांनै सीख न लागै एक जी, गुरु नें पिण भ्रष्ट किया विशेष जी। संशय हुवै तो सूत्र ल्यो देख जी, श्री वीर कहै सुण गोयमा।।५।।
पाप उदै हुवै एहने तो पड़ै निगोद मे जाय। अनन्त उत्कृष्टा भव करै, त्यां मार अनन्ती खाय जी। रहे घणी संकड़ाई मांय जी, जक नहीं निगोद में ताय जी। बलि मरण बेगो बेगो थाय जी, उपजै नें विलै हो जाय जी। तिणरो लेखो सुणो चित्त ल्याय जी, श्री वीर कहै सुण गोयमा।६।।
सत्तरह भव जाझेरा करै, एक श्वासोश्वास मझार। एक मुहूर्त्त में भव करै, साडा पैंसठ हजार जी। बलि छत्तीस अधिक विचार जी, एहवी जनम मरण री धार जी। मरण पामै अनन्ती वार जी, अनन्त कालचक्र मझार जी। त्यांरो बेगो न आवै पार जी, श्री वीर कहै सुण गोयमा।।७।।
कदा पहली पड़ै बंध नरक नों तो पड़ै नरक में जाय। खेत्र वेदन छै अति घणी, परमाधामी मारै बतलाय जी। तिहां मार अनन्ती खाय जी, उठै कोण छुड़ावै आय जी। भूख तृषा अनन्ती थाय जी, दु:ख में दु:ख उपजे आय जी। अशुद्ध दान दियां ए फल थाय जी, श्री वीर कहै सुण गोयमा।।८।।
दु:ख भोगविया नरक में जी, शेष बाकी रह्या पाप। तिण सूं जीव उपजै जाय तिर्यंच में, उठै पण घणो शोग संताप जी। नहीं छूटै कियां विलाप जी, आडा नहीं आवै गुरु मां-बाप जी। दु:ख भोगवै आपो आप जी, अशुद्ध दान दियां धर्म थाप जी। ए पिण कुगुरु तणो परताप जी, श्री वीर कहै सुण गोयमा।।९।।
अशुद्ध जाणी ने भोगवै, त्यां भांगी जिनवर पाल। अनन्त उत्कृष्टा भव करै, नरक में जासे टांको झाल जी। उठै मार देसे नरक ना पालजी, कीधा कर्म लेवै संभाल जी। रोसी कर्त्तव्य सांमो निहाल जी, भगवती पहिलो शतक संभाल जी। बलि नवमो उद्देशो निभाल जी, श्री वीर कहै सुण गोयमा।।१०।।
आधाकरमी जाणी भोगवै तो, बंधै चिकणा कर्म। बलि भ्रष्ट थया आचार थी, त्यां छोड़ दियो जिनधर्म जी। निकल गयो त्यांरो मर्म जी, छोड़ दीधी लज्जा तैं शर्म जी। विगोय दियो जिन धर्मजी, दु:ख पाम्यो उत्कृष्टो पर्म जी। श्री वीर कहै सुण गोयमा।।११।।
साधु काजे हणै छ:काय नें, ते बार अनन्ती हणाय। साधू जाणी नें भोगवै ते पिण, अनन्त जनम मरण करै ताय जी। ए दोनूं दुखिया थाय जी, भव-भव में मार्यो जाय जी। ए कर्त्तव्य सूं मारी छ:काय जी, ते दु:ख भोगव लेवै ताय जी। त्यांरो पार बेगो नहीं आय जी। श्री वीर कहै सुण गोयमा।।१२।।
छ: काय रै अशुभ उदय हुवां, ते पामें एकरसूं घात। जे साधू पडिया नरक निगोद में श्रावकों ने ले जावै साथ जी। त्यां मानी कुगुरां री बात जी, कीनी त्रस स्थावर नीं घात जी। अनंता काल दु:ख में जात जी, यानें पण कुगुरां डबोया साख्यात जी। श्री वीर कहै सुण गोयमा।।१३।।
गुरां नें डबोया श्रावका, श्रावकां नें डबोया साध। दोनूं पड़िया नरक निगोद में, श्री जिनवर धर्म विराध जी। संसार समुद्र अगाध जी, जिन धर्म री रेंहस नहीं लाध जी। भव-भव में पामे असमाध जी, ए पिण कुगुरां तणो प्रसाद जी। श्री वीर कहै सुण गोयमा।।१४।।
अशुद्ध जाणी देवै साधु नें, ते साधां ने लूंटी लिया ताय। पाप उदय हुवै इण भवे, दु:ख दारिद्र धसै घर मांय जी। ऋद्ध सम्पत्ति जावै विलाय जी, दु:ख मांहिं दिन जाय जी। कदा पुण्य भारी हुवै ताय जी, तो परभव में शंका नहीं काय जी। श्री वीर कहै सुण गोयमा।।१५।।
इम सांभल नर नारियां जी, कीज्यो मन में विचार। शुद्ध साधां नें जाणनें, अशुद्ध मत दीज्यो किण बार जी। अशुद्ध में धर्म नहीं लिगार जी, शुद्ध दान दे लाहो ल्यो सार जी। ज्यूं उतर जावो भव पार जी, ए मनुष्य जनम नो सार जी। श्री वीर कहै सुण गोयमा।।१६।।
Roman Transliteration
tin bolan kari
tin bolan kari jiv nain ji, alpa aukho bandhay, hinsa karai prani jiv ri, bali bolai musha bay ji. sadhan ne ashuddha bahiray ji, hinsa kari chokhi jaygan banay ji. sadhan ne utaran ri man many ji, tinrai ashubh Karm bandhay ji. tijai thanai kahyo jinray ji, bali sutra bhagavti many ji.. shri vir kahe sun goyma!..1..
dadai lipai sadhu karnai ji, chhapra devai chhay. kelu pin phirtan thakan, jamiya jala ukhelai tay ji. lilan phulan mari jay ji, ananta jiv chhai tin rai mhany ji. bale avar hani chh: kay ji, tin ri daya n ani kay ji. tin rai alpa ayu bandhay ji, shri vir kahai sun goyma!..2..
ninv diravai thet sun ji, tanki bajavai tay. bhela kari bhata chinai, tin bahut hani chh: kay ji. ananta jiv haniya jay ji, te pura kem kahivay ji. sadhan ne utaranri man lyay ji, tin moto kiyo anyay ji. tin rai alpa ayu bandhay ji, shri vir kahai sun goyma!..3..
jin garath diyo thanak karnai ji, te pin marai chh: kay kin mol bhadai lai bhogvavai tin thap rakhi chhai tay ji. ityadik doshila kahivay ji, khinai khodai samon karai jay ji. vidhi vidhi syun mari chhah kay ji, bali man manhi harsit thay ji. tin re alpa ayushya bandhay ji, shri vir kahai sun goyma..4..
(lay : man mohangaro mhanro nathji)
ahar sejya vastra patra ji, ityadik dravya anek. ashuddha bahiravai sadhu nen te duba bina vivek ji. tyan jhali kuguran ri tek ji, tyarai Karm adi kali rekh ji. tyannai sikh n lagai ek ji, Guru nen pin bhrashta kiya vishesh ji. sanshay huvai to sutra lyo dekh ji, shri vir kahai sun goyma..5..
pap udai huvai ehane to padai nigod me jay. ananta utkrishta bhav karai, tyan mar ananti khay ji. rahe ghani sankdai many ji, jak nahin nigod men tay ji. bali maran bego bego thay ji, upajai nen vilai ho jay ji. tinro lekho suno chitta lyay ji, shri vir kahai sun goyma.6..
sattarah bhav jajhera karai, ek shvasoshvas majhar. ek muhurtta men bhav karai, sada painsath hajar ji. bali chhattis adhik vichar ji, ehavi janam maran ri dhar ji. maran pamai ananti var ji, ananta kalachakra majhar ji. tyanro bego n avai par ji, shri vir kahai sun goyma..7..
kada pahli padai bandh narak non to padai narak men jay. khetra vedan chhai ati ghani, parmadhami marai batlay ji. tihan mar ananti khay ji, uthai kon chhudavai ay ji. bhukh trisha ananti thay ji, du:kh men du:kh upaje ay ji. ashuddha dan diyan e phal thay ji, shri vir kahai sun goyma..8..
du:kh bhogviya narak men ji, shesh baki rahya pap. tin sun jiv upajai jay tiryanch men, uthai pan ghano shog santap ji. nahin chhutai kiyan vilap ji, ada nahin avai Guru man-bap ji. du:kh bhogvai apo ap ji, ashuddha dan diyan Dharm thap ji. e pin kuguru tano partap ji, shri vir kahai sun goyma..9..
ashuddha jani ne bhogvai, tyan bhangi jinavar pal. ananta utkrishta bhav karai, narak men jase tanko jhal ji. uthai mar dese narak na palji, kidha Karm levai sambhal ji. rosi karttavya sammo nihal ji, bhagavti pahilo shatak sambhal ji. bali navmo uddesho nibhal ji, shri vir kahai sun goyma..10..
adhakarmi jani bhogvai to, bandhai chikna karma. bali bhrashta thaya achar thi, tyan chhod diyo jinadharma ji. nikal gayo tyanro marma ji, chhod didhi lajja tain sharma ji. vigoy diyo Jin dharmaji, du:kh pamyo utkrishto parma ji. shri vir kahai sun goyma..11..
sadhu kaje hanai chh:kay nen, te bar ananti hanay. sadhu jani nen bhogvai te pin, ananta janam maran karai tay ji. e donun dukhiya thay ji, bhav-bhav men maryo jay ji. e karttavya sun mari chh:kay ji, te du:kh bhogav levai tay ji. tyanro par bego nahin ay ji. shri vir kahai sun goyma..12..
chh: kay rai ashubh uday huvan, te pamen ekarsun ghat. je sadhu padiya narak nigod men shravkon ne le javai sath ji. tyan mani kuguran ri bat ji, kini tras sthavar nin ghat ji. ananta kal du:kh men jat ji, yanen pan kuguran daboya sakhyat ji. shri vir kahai sun goyma..13..
guran nen daboya shravka, shravkan nen daboya sadh. donun padiya narak nigod men, shri jinavar Dharm viradh ji. sansar samudra agadh ji, Jin Dharm ri renhas nahin ladh ji. bhav-bhav men pame asamadh ji, e pin kuguran tano prasad ji. shri vir kahai sun goyma..14..
ashuddha jani devai sadhu nen, te sadhan ne lunti liya tay. pap uday huvai in bhave, du:kh daridra dhasai ghar many ji. riddha sampatti javai vilay ji, du:kh manhin din jay ji. kada punya bhari huvai tay ji, to parabhav men shanka nahin kay ji. shri vir kahai sun goyma..15..
im sambhal nar nariyan ji, kijyo man men vichar. shuddha sadhan nen jannen, ashuddha mat dijyo kin bar ji. ashuddha men Dharm nahin ligar ji, shuddha dan de laho lyo sar ji. jyun utar javo bhav par ji, e manushya janam no sar ji. shri vir kahai sun goyma..16..