तप में तेज गजब रो भाई!
Tap Men Tej Gajab Ro Bhai!
2678
तप में तेज गजब रो भाई! — Lyrics
तप में तेज गजब रो भाई! तप में तेज गजब रो भाई! आशा आंबो फळ ज्यावै, संच्योड़े करमां रो कचरो, एक पलक में जळ ज्यावै। तप में तेज गजब रो भाई! आशा आंबो फख ज्यावै।।
1. बै जनम-जनम रा बंध्योड़ा, बंधन घालै भारी फोड़ा, अटकावै आगै बढ़ती आत्मा रै मारग में रोड़ा। दौड़ा दौड़ मचावै तो भी, कोई नजर न हळ आवै।।
2. आलस में उलझयोड़ो मनड़ो, गोते पर गोता खावै, मदवै हाथी ज्यूं अंकुश स्यूं भी, वश में कोनी आवै। मंत्र हाथ में आज्या तप रो, पासो सूंवो ढळ ज्यावै।।
3. मोटा-मोटा रोग मिटै, तनड़ो बण ज्यावै कंचन सो, अंतर-शोधन स्यूं लागै शीतल मलयाचल चंदन सो। शूर-सिपाही री सरणी आ, कायर दूरां टळ ज्यावै।।
4. ज्ञान, ध्यान, स्वाध्याय साथ में, जप माळा रो ले शरणो, चोरासी रे चक्कर स्यूं जदि, चावै है जल्दी तरणो। 'मधुकर' चढ़ तप नाव सामने, जीवन ओ पल-पल ज्यावै।।
Roman Transliteration
tap men tej gajab ro bhai! tap men tej gajab ro bhai! asha ambo phal jyavai, sanchyode karman ro kachro, ek palak men jal jyavai. tap men tej gajab ro bhai! asha ambo phakh jyavai..
1. bai janam-janam ra bandhyoda, bandhan ghalai bhari phoda, atakavai agai badhti atma rai marag men roda. dauda daud machavai to bhi, koi najar n hal avai..
2. alas men ulajhyodo mando, gote par gota khavai, madvai hathi jyun ankush syun bhi, vash men koni avai. Mantra hath men ajya tap ro, paso sunvo dhal jyavai..
3. mota-mota rog mitai, tando ban jyavai kanchan so, antar-shodhan syun lagai shital malyachal chandan so. shur-sipahi ri sarni a, kayar duran tal jyavai..
4. jnan, dhyan, svadhyay sath men, jap mala ro le sharno, chorasi re chakkar syun jadi, chavai hai jaldi tarno. 'madhukar' chadh tap nav samne, jivan o pal-pal jyavai..