आयो महावीर रो हेलो।
Ayo Mahavir Ro Helo.
322
आयो महावीर रो हेलो। — Lyrics
आयो महावीर रो हेलो। मत समय मात्र परमाद करो थे, अवगुण दूरा ठेलो। अब सद्गुण रो भंडार भरो थे, पकड़ो सीधो गेलो। आयो है जागण रो हेलो, आयो महावीर रो हेलो।।
१. जीवन ओ बहतो पाणी है, जो फेर न मुड़कर आवै। स्याणो नर लाभ कमावै पूरो, मूरख मूळ गमावै। व्यसनां में फंसकर लाखीणी-देही रो करो न धेलो।।
२. निज रा अवगुण औरां रा गुण, नित ध्यान लगाकर देखो। अपणी खाम्यां रो और कम्यां रो, रोज लगावो लेखो। टोक्यां स्यूं पहली सुधरो खुद ही, मत आवण दृयो रेलो।।
३. कै लड़ो इन्द्रियां स्यूं? परवश बै, मन रै लारै चालै। मन री लगाम आत्मा रै हाथां, सदा हिलायां हालै। जो आत्म-भाव नै बदव्ठो तो, तन-मन रो सुधरै खेलो।।
४. लाखां पर विजय पावणी सोरी, आत्म-विजय दुष्कर है। जो 'बुद्ध' आत्म-जय करै जगत् में, बो नर हुवै अमर है। क्यूं भटक्या भव री घाटी में थे? निकमा दुखड़ा झेलो।।
Roman Transliteration
ayo Mahavir ro helo. mat samay matra parmad karo the, avagun dura thelo. ab sadgun ro bhandar bharo the, pakdo sidho gelo. ayo hai jagan ro helo, ayo Mahavir ro helo..
1. jivan o bahto pani hai, jo pher n mudakar avai. syano nar labh kamavai puro, murakh mul gamavai. vyasnan men phansakar lakhini-dehi ro karo n dhelo..
2. nij ra avagun auran ra gun, nit dhyan lagakar dekho. apani khamyan ro aur kamyan ro, roj lagavo lekho. tokyan syun pahli sudhro khud hi, mat avan driyo relo..
3. kai lado indriyan syun? paravash bai, man rai larai chalai. man ri lagam atma rai hathan, sada hilayan halai. jo atma-bhav nai badavtho to, tan-man ro sudhrai khelo..
4. lakhan par vijay pavni sori, atma-vijay dushkar hai. jo 'buddha' atma-jay karai jagat men, bo nar huvai amar hai. kyun bhatakya bhav ri ghati men the? nikma dukhda jhelo..