आयुष टूटी को सांधो को नहीं रे
Ayush Tuti Ko Sandho Ko Nahin Re
327
आयुष टूटी को सांधो को नहीं रे — Lyrics
आयुष टूटी को सांधो को नहीं रे
आयुष टूटी को सांधो को नहीं रे, तिण कारण मति करो प्रमाद रे। जरा आयां ने शरणो को नहीं रे, हिंसा टाली ने धर्म आराध रे।।१।।
कुटुम्ब कबीलो नारी कारणे रे, मूरखं संच्या बहुला पाप रे। चोर तणी परे छंडी झूरसी रे, सहसी इहलोक परलोक संताप रे।।२।।
धन गडियो लहिनो रह्यो लोक में रे, जाणे पोता लग द्यूं बताय रे। जीभ थी नथी आवै उतो बोलनो रे, रही हूंस मनमारी मन मांय रे।।३।।
ऊंचा चिणाया मन्दिर मालिया रे, दे दे धरती में ऊंडी नींव रे। इक दिन ऊभा छोड़ी चालसी रे, सुख दु:ख सहसी अपनो जीव रे।।४।।
चक्रवर्ती हलधर राणा केशवा रे, इम बलि इन्द्र सुरां रो नाथ रे। उगमी उगमी ने सगला आथम्यां रे, जोयजो काई अचरज वाली बात रे।।५।।
जुगलियां रे तीन पल्योपम नो आउखो रे, लाम्बी ज्यांरी तीन कोस री काय रे। कल्पवृक्ष पूरै ज्यांनै दश जात नां रे, बादल जिम गया बिलाय रे।।६।।
भगवन्त चौबीसवां श्री वर्द्धमानजी रे, शक्रेन्द्र बोल्यो इसड़ी बाय रे। स्वामी दोय घड़ी आयू ने बधार जो रे, जिम यह भस्मग्रह टल जाय रे।।७।।
बलता श्रीवीर जिनेन्द्र इसडी कहै रे, सुन रे शक्रेन्द्र मांहरी बाय रे। तीन काल में बात हुई नहीं रे, आयुषो बधारियो नहिं जाय रे।।८।।
अस्थिर संसार तजी मुनि नीसर्या रे, करता मुनि नवकल्पी विहार रे। भारंड पक्षी नीं दी ज्यांनै ओपमा रे, न धरै मुनि ममता लिगार रे।।९।।
चारित्र पाले रूड़ी रीति सूं रे, देवे बलि अपनो छन्दो रोक रे। तुरत विराजे मुनि मुक्ति में रे, यश लहै इहलोक नैं परलोक रे।।१०।।
(लय : वृक्ष तणो ज्यूं पाको पानड़ो रे)
Roman Transliteration
ayush tuti ko sandho ko nahin re
ayush tuti ko sandho ko nahin re, tin karan mati karo pramad re. jara ayan ne sharno ko nahin re, hinsa tali ne Dharm aradh re..1..
kutumba kabilo nari karne re, murakham sanchya bahula pap re. chor tani pare chhandi jhursi re, sahsi ihalok parlok santap re..2..
dhan gadiyo lahino rahyo lok men re, jane pota lag dyun batay re. jibh thi nathi avai uto bolno re, rahi huns manmari man many re..3..
uncha chinaya mandir maliya re, de de dharti men undi ninv re. ik din ubha chhodi chalsi re, sukh du:kh sahsi apano jiv re..4..
chakravarti haladhar rana keshva re, im bali Indra suran ro nath re. ugami ugami ne sagla athamyan re, joyjo kai acharaj vali bat re..5..
jugliyan re tin palyopam no aukho re, lambi jyanri tin kos ri kay re. kalpavriksha purai jyannai dash jat nan re, badal jim gaya bilay re..6..
bhagavanta chaubisvan shri varddhamanji re, shakrendra bolyo isadi bay re. Swami doy ghadi ayu ne badhar jo re, jim yah bhasmagrah tal jay re..7..
balta shrivir jinendra isadi kahai re, sun re shakrendra manhri bay re. tin kal men bat hui nahin re, ayusho badhariyo nahin jay re..8..
asthir sansar taji Muni nisarya re, karta Muni navakalpi vihar re. bharand pakshi nin di jyannai opama re, n dharai Muni mamta ligar re..9..
charitra pale rudi riti sun re, deve bali apano chhando rok re. turat viraje Muni mukti men re, yash lahai ihalok nain parlok re..10..
(lay : vriksha tano jyun pako pando re)