बादळियो आंखड़ल्यां में
Badliyo Ankhadalyan Men
347
बादळियो आंखड़ल्यां में — Lyrics
बादळियो आंखड़ल्यां में बादळियो आंखड़ल्यां में बरस्यो, आंखड़ल्या में बरस्यो, गण-बाड़ी खिल ज्यावैला, ओ संतां! मुरझयोड़ो ओ मनड़ो हरस्यो, ओ मनड़ो हरस्यो, अनुशासन मिल ज्यावैला, ओ संतां।।
1. तपस्या री जोत ले'र देह न सुकाई है, नदियां री ताती रेत शीतल बणाई है, इन्द्रासण हिल ज्यावैला, ओ संता!
2. विनती रा बोल सुणो उभां हां म्है सामने, ओ कांई वनवास रो आदेश मिल्यो राम नै, छमता के छिप ज्यावैला, ओ संतां!
3. थे हो बुद्धिमान थां में ज्ञान रो उजास है, थांरै ऊपर देखो म्हांरो पूरो विश्वास है, कुण दूजो दिल आवैला, ओ संतां!
4. थां स्यूं म्हांनै आगै और घणी-घणी आस है, देखो आं कंठां में आज कित्ती-कित्ती प्यास है, कुण इमरत बरसावैला, ओ संतां!
5. छोड़ो आप अबै इं तपस्या ने म्हारै वास्ते, लोगां रो कल्याण हुवै लागो उण रासते, जबरी जागृति आवैला, ओ संतां!
6. गहरै पाणी पेठ कै विचारी सुरूवात नै, भावी भारी लाभ सिकारी सारी बात नै, गांठां सै खुल ज्यावैला, ओ संतां!
7. हुई धर्मक्रांति आग्यो चेतना में चानणो, बड़ा-बड़ा ढ़िचालां ने पड्यो लोहो मानणो, इचरज सबने आवैला, ओ संतां!
8. पढ़ायो ओ पाठ पैलो रहो एक डोर में, प्राण स्यूं भी ऊंचो प्रण, सोच्यो भोर-भोर में, सुजस अमर बण ज्यावैला, ओ संतां!
9. थिरपाल फतै आज तेरापंथ संघ में, हरस हुलास आज म्हारै अंग-अंग में, तुलसी मोद मनावैला, ओ संतां! वसुगढ़ में रंग छावैला, ओ संतां! मर्यादा मन भावैला, ओ संतां! मोछव सदा रचावैला, ओ संतां!
Roman Transliteration
badliyo ankhadalyan men badliyo ankhadalyan men barasyo, ankhadalya men barasyo, gan-badi khil jyavaila, o santan! murajhyodo o mando harasyo, o mando harasyo, anushasan mil jyavaila, o santan..
1. tapasya ri jot le'r deh n sukai hai, nadiyan ri tati ret shital banai hai, indrasan hil jyavaila, o santa!
2. vinti ra bol suno ubhan han mhai samne, o kani vanvas ro adesh milyo Ram nai, chhamta ke chhip jyavaila, o santan!
3. the ho buddhiman than men jnan ro ujas hai, thanrai upar dekho mhanro puro vishvas hai, kun dujo dil availa, o santan!
4. than syun mhannai agai aur ghani-ghani as hai, dekho an kanthan men aj kitti-kitti pyas hai, kun imarat barsavaila, o santan!
5. chhodo ap abai in tapasya ne mharai vaste, logan ro kalyan huvai lago un raste, jabri jagriti availa, o santan!
6. gahrai pani peth kai vichari suruvat nai, bhavi bhari labh sikari sari bat nai, ganthan sai khul jyavaila, o santan!
7. hui dharmakranti agyo chetna men channo, bada-bada dhichalan ne padyo loho manno, icharaj sabne availa, o santan!
8. padhayo o path pailo raho ek dor men, pran syun bhi uncho pran, sochyo bhor-bhor men, sujas amar ban jyavaila, o santan!
9. thirpal phatai aj Terapanth Sangh men, haras hulas aj mharai ang-ang men, Tulsi mod manavaila, o santan! vasugadh men rang chhavaila, o santan! maryada man bhavaila, o santan! mochhav sada rachavaila, o santan!