भिक्षू जशधारी,
Bhikshu Jashdhari,
438
भिक्षू जशधारी, — Lyrics
भिक्षू जशधारी,
जशधारी भारी गुरु जबर दिशा जयकारी रे।
भिक्षू जशधारी।।
१. मरुदेवी-नंदन समो धर्म-धुरा भुज धारी रे। भ्रम-कर्दमदम शोषवा तरणी तेज उदारी रे।।
२. मरुधर देश कंटालिये शाह बल्लू शोभायो रे। दीपां उदरे दीपतो सिंह सुपन में आयो रे।।
३. सतरे सौ तंयासिये जन्म भिक्षु रो जाणी रे। अष्टादश आठे समे दीक्षा द्रव्य पिछाणी रे।।
४. आगम न्याय विलोकियो श्रद्धा अरु आचारो रे। दोय वर्ष चरचा करी गुरु समझावण धारो रे।।
५. गुरु-बतका मानी नहीं मोह कर्म वश जाणी रे। ग्रही टेक मूके नहीं मोहे मूर्छित प्राणी रे।।
६. अष्टादश सतरै ग्रही भावै भव-हर दीक्षा रे। सत्व-बली परिषह विषे कीन्ही तीव्र तितिक्षा रे।।
७. दान-दयादिक दाखिया सावद-निरवद निरणां रे।। आणा धर्म प्ररूप ने रोपी जग जश-किरणां रे।।
८. बांधी मर्याया बली जिन-शासन दृढ़कारी रे। बत्ती पेंतालीस में चरम गुणसठे धारी रे।।
९. भारिमाल पट थाप नै लिखत लिख्यो सुखदाई रे! जो-जो दृढ़ सीमा करी सुगण! सुणो चित ल्याई रे।।
१०. श्रमण अनै श्रमणी मुदा इक गुरु आण अराधो रे। गुरु आणा केड़े रही साचो शिव-मग साधो रे।।
११. शिष शिषणी करणा तिके भारिमाल रै नामे रे। औरां शिष करवा तणां त्याग साख सिध तामे रे।।
१२. भारिमाल पिण शिष करै योग्यायोग्य विचारी रे। जो अजोग कीधां पछै, देणो तास निकारी रे।।
१३. भारिमाल आणा थकी शेषकाल चउमासा रे। विचरो देश-प्रदेश में छोड़ी विषय-पिपासा रे।।
१४. भारिमाल इच्छा थकी गुरु-भाई चेला नैरे। भार भुळावै गच्छ रो आण बहो चित ठानै रे।।
१५. अशुभ कर्म उदये कदा इक बे त्रिण अवलोई रे। गण बाहिर निकढी करै थोथी थूकविलोई रे।।
१६. साध नहीं तसु सरधणो तीरथ में नहिं गणवो रे। वांदै-पूजी तेहनै आणा में नहिं भणवों रे।।
१७. गण बाहिर होयां पछ्ठैं अंश मात्र पिण जाणी रे। गण-अवगुण बोलण तणां त्याग साख सिध नाणी रे।।
१८. श्रद्धा रा खेत्रां विषे एक रात उपरंतो रे। सूंस अछै रहिवा तणां भिक्षू-वचन महंतो रे।।
१९. पुस्तक-पानां आदि दे लिखै-जांचे गण मांही रे। ते नहिं-साथे लेवणा रीति परंपर ताही र।।
२०. बोदी एक पछेवड़ी चोलपयो तिम जाणो रे। ओघो तिम बलि मुखपति इण ऊपर पचख़ाणो रे।।
२१. वेषधारी विकलां भणी मूंडे भेख बधावा रे। (पछै) मिंडक नीं पर ऊछळै समरथ कवण दबावा रे?
२२. फिर फाड़ा-तोड़ो करै मिल-मिल ओगुण बोलै रे। कजिया-राड़ करै घणां निज जीवन झकझोले रे।।
२३. चिह्न निहारी एहवा मुनि-मंग चालण सारू रे। मर्यादा बांधी घणी भिक्षू भरम-विदारू रे।।
२४. सुखे-सुखे संजम पलै कीधो स्वाम उपायो रे। शिख-शाखादिक रो सहू ममता-भाव मिटायो रे।।
२५. संवत्त अठारै गुणसठे माघ सप्तमी चारू रे। लिखतू रिषि भीक्खण तणां हस्ताक्षर सुखकारू रे।।
२६. इत्यादिक सीमा सझी तास्या वहु नरजाारी रे। साठे अनशन आदरी पहुंच्या स्वर्ग मझारी रे।।
२७. भारमलल बीजे पटे, तीजे गणि ऋषिराया रे। जय मघ माणक डालजी कालू भविमन-भाया रे।।
२८. उगणीसै पिच्याणवे शुक्ल सप्तमी माघे रे। मयदा-मोच्छक मंड्यो रतनगढ़ बड़भागे रे।।
२९. इक शत तीस व्रती भला, सती तीन सौ तीनो रे। गण नंदन-वन में रमै गुरु-आणा दृढ़ सीनो रे।।
Roman Transliteration
bhikshu jashdhari,
jashdhari bhari Guru jabar disha jaykari re.
bhikshu jashdhari..
1. marudevi-nandan samo Dharm-dhura bhuj dhari re. bhram-kardamadam shoshva tarni tej udari re..
2. marudhar desh kantaliye shah ballu shobhayo re. dipan udare dipto sinh supan men ayo re..
3. satre sau tanyasiye janma Bhikshu ro jani re. ashtadash athe same diksha dravya pichhani re..
4. agam nyay vilokiyo shraddha aru acharo re. doy varsha charcha kari Guru samjhavan dharo re..
5. Guru-batka mani nahin moh Karm vash jani re. grahi tek muke nahin mohe murchhit prani re..
6. ashtadash satrai grahi bhavai bhav-har diksha re. satva-bali parishah vishe kinhi tivra titiksha re..
7. dan-dayadik dakhiya savad-niravad nirnan re.. ana Dharm prarup ne ropi jag jash-kirnan re..
8. bandhi maryaya bali Jin-shasan dridhkari re. batti pentalis men charam gunasthe dhari re..
9. bharimal pat thap nai likhat likhyo sukhdai re! jo-jo dridh sima kari sugan! suno chit lyai re..
10. shraman anai shramni muda ik Guru an aradho re. Guru ana kede rahi sacho shiv-mag sadho re..
11. shish shishni karna tike bharimal rai name re. auran shish karva tanan tyag sakh sidh tame re..
12. bharimal pin shish karai yogyayogya vichari re. jo ajog kidhan pachhai, deno tas nikari re..
13. bharimal ana thaki sheshkal chaumasa re. vichro desh-pradesh men chhodi vishay-pipasa re..
14. bharimal ichchha thaki Guru-bhai chela naire. bhar bhulavai gachchha ro an baho chit thanai re..
15. ashubh Karm udaye kada ik be trin avaloi re. gan bahir nikdhi karai thothi thukviloi re..
16. sadh nahin tasu saradhno tirath men nahin ganvo re. vandai-puji tehnai ana men nahin bhanvon re..
17. gan bahir hoyan pachhthain ansh matra pin jani re. gan-avagun bolan tanan tyag sakh sidh nani re..
18. shraddha ra khetran vishe ek rat uparnto re. suns achhai rahiva tanan bhikshu-vachan mahnto re..
19. pustak-panan adi de likhai-janche gan manhi re. te nahin-sathe levna riti parampar tahi r..
20. bodi ek pachhevdi cholapyo tim jano re. ogho tim bali mukhapti in upar pachkhano re..
21. veshdhari viklan bhani munde bhekh badhava re. (pachhai) mindak nin par uchhalai samarath kavan dabava re?
22. phir phada-todo karai mil-mil ogun bolai re. kajiya-rad karai ghanan nij jivan jhakjhole re..
23. chihna nihari ehava Muni-mang chalan saru re. maryada bandhi ghani bhikshu bharam-vidaru re..
24. sukhe-sukhe sanjam palai kidho svam upayo re. shikh-shakhadik ro sahu mamta-bhav mitayo re..
25. sanvatta atharai gunasthe magh saptami charu re. likhtu rishi bhikkhan tanan hastakshar sukhkaru re..
26. ityadik sima sajhi tasya vahu narjaाri re. sathe anashan adari pahunchya svarga majhari re..
27. bharamalal bije pate, tije gani rishiraya re. jay magh Manak dalji Kalu bhaviman-bhaya re..
28. uganisai pichyanve shukla saptami maghe re. mayda-mochchhak mandyo ratanagadh badbhage re..
29. ik shat tis vrati bhala, sati tin sau tino re. gan nandan-van men ramai Guru-ana dridh sino re..