भजो भवि! भिक्षुगणी,
Bhajo Bhavi! Bhikshugni,
486
भजो भवि! भिक्षुगणी, — Lyrics
भजो भवि! भिक्षुगणी, ज्यांरो मंत्राक्ग सम नाम जप्यां लहै लाछ घणी।
१. वर्द्धान शासन रै मांही, प्रगट्या भिक्षु स्वामी। जिन मारंग दीपायो ज्यांरों नाम धरातल नामी।।
२. मरुधर देश कंटालिय ग्रामे शाह बललूजी सोहे। दीपांदे नारी सुखकारी साजन रा मन मोहे।।
३. सिंह स्वन सुत जायो सुन्दर भिक्षू नाम कहायो। द्रव्य-चरण रघुनाथ हाथ ले आगम अनुगम पायो।।
४. समकित चरण: अंश नहिं देख्यो आगम रे अनुसारो। बात विचारी द्वव्य-गुरु ने समझाया बहुबारो।।
५. पिण नहिं मानी बात गुरू तो तदा तेर मुनि संगे। द्रव्य-गुरू नै छोड़ी निकक्या मन में अति उचरंगे।।
६. अष्टाशश सतरै संवत्सर ग्राम केलबै वारू। शुक्ल अपषाढ़ पूर्णिमा दिवसे ली दीक्षा सुखकारू।।
७. आज्ञा अनुकम्पा व्रत-अव्रत भेद विविध कर सोध्या। दान-दया थट प्रगट दिखाई भूरि भव्य प्रतिबोध्या।।
८. विविध ग्रंथ रचना रच स्वामी विविधबांध मयार्दा। शासन-नींव जमाई जबरी आणी चित अहलाद।।
९. विचस्था प्रभु उपगार करण-हित जनपद देश मझारी।। अनुक्रम: सप्त श्रमण संघाते आया पुर सिरियारी।।
१०. श्रावण मासे दस्त रोग तनु तो पिण साहस भारे। पुर बाहिर पंचमी गोचरी स्वामी स्वयं पधारे।।
११. पर्व पजूसण शुक्ल चोथ दिन श्रीमुख शब्द उचार्यों। च्या: जणां रा साझ थकी मैं सूधो संयम पाछयो।।
१२. भारिमलल नै बली खेतसी टोकरजी हरनाथ। सुवनीतां शिर-शेखखर च्यारू पभणै स्वामीनाथ।।
१३. भारिमालजी नै पट थाप्या दी शिक्षा सुविशेष। सगला इण री आण अराधो अविचल अटल अशेष।।
१४. जिंयां जाणता हा तुम मुझ ने तिम जाणों गुरुमाल। भेदभाव तिलमात म जाणो जै गुरु-वच सुविशाल।।
१५. सगला संत-सती मिल रहिज्यो राखो हेत अपार। देख-देख ने दीक्षा दीज्यों दी शिक्षा गणधार।।
१६. छमच्छरी पांचम दिन प्रभुजी वर उपवास करायो।. छट्ठ दिवस बलि कियो पारणो पिण नहिं अन्न जरायो।।
१७. इम हिज सातम आठम दिवसे अल्प अशन करि स्वाम। त्याग किया बलि नवमी दिन पिण इमहिज गण गुणधाम।।
१८. दशमी तिथि ने भारिमालजी अर्ज करी बहु बार। महर करी नै परम पुज्य गुरु लयो मुझकर स्यूं आ'र।।
१९. गिणती कर दश मोठ तलिराया, बलि चावल चालीस। लेई त्याग कराया ततखिण मभिक्षू शासन-ईश।।
२०. ग्याससनै उपवास कियो गणि अमल' नीर आगार। तिम बेलों बारस तिथि कीधो तज देही री सार।।
२१. छोड़ स्हामली हाट पूज्यजी पक्की . हाट पधारै। ताम ब्रह्मचारी मुनि आवी यूं मुख शब्द उचारै।।
२२. पुद्गल हीणां पड़ता दीसै स्वाम सुणी आ बाण। तेड़ी ल्यावो भारिमाल ने तब आया गुणखाण।।
२३. नमोत्थु णं ऊंचे स्वरउचरी स्वाम कियो संथार। वर संवेग सरस रस आणी पचख्या तीनूं आ'र।।
२४. गण मांही अथवा गण बाहिर सगलां स्यूं. इणवार। खमत-खामणा होज्यो म्हारां इम मुख शब्द उचार।।
२५. तेरस सवा पोर दिन चढ़ियो निज-कर पीधो नीर इक मुहुरत अनुमान हुयां इम वचन वदे बड़वीर।।
२६. साधू आवै-साम्हा जावो बलि श्रमणी पिण आवै वचन अपूर्व स्वाम मुख रा सुण इचरजजन-जन थावै।।
२७. लोग कहै स्वामी मन रहियो शिष शिषणी रे माहंयो। इतले मुहुतत एक आसरे साधु-ओयुगल तिहां आयो।।
२८. वेणीराम विशेषे आयो कुशालली बलि साथ वनणा करतां परम पूज्य गुरु दीधो मस्तक हाथ।।
२९. इतलै मुर्हुत्त दोय-आसरे सती-सिंघाडो आयो। जन कहै अवधि ज्ञान ऊपनो विस्मय अधिको पायो।।
३०. के कोइ अटकल स्यूं प्रभु आख्यो के निज बुद्धि प्रमाण के कोइ अवधिज्ञान ऊपनो जान रहद्या जग-भाण।।
३१. मुनि जाण्यो मुनिपति नै पोढ्यां बेला हुई प्रकाम बेठा करां हुवे मरजी तो दे हुंकारो स्वाम।।
३२. बेठाकर मुनि पीठे बेठा कै घणां गुणग्राम। धन्य गणाधिप भिक्षु स्वामी सामया बहुजन काम।।
३३. सुद तेरस तिथ शेष रहद्यो दिन, डोढ़ पोर अनुमान सहू देखतां पूज्य परम गुरु ततखिण छोड़्या प्राण।।
३४. सप्त प्रहह संधारो आयो मन भायों गणिराय स्वर्ग सिधायो सुयश बधायो सकल भवन रै मांय।।
३५. भिक्षू पट गुरुमाल विराजैं तीज पट कऋषिराय पाट चतुर्थे जीत जबर अति शासन-शोभ बढ़ाय।।
३६. पंचम मघवा गणिवर राजै मघवा सम जस तेज। माणकलाल, डाल तसु पाटे निरख्यां उपजै हेज।।
३७. अष्टम पट शासन-प्रतिपालू. दीनदयालू स्वाम कालू परम कृपालू ओ तो पायो जग में नाम।।
३८. उगणीसे तेराणूं. वर्ष. भिक्षु-चरमकल्याण। गंगापुर चिहु तीरथ भेछठा मोच्छब रो मंडाण।।
३९. पंचबीस वर श्रमण सुहाया श्रमणी सत्ताईस। भिक्षूशासन नंदनवन में सुख माने निश-दीस।।
Roman Transliteration
bhajo bhavi! bhikshugni, jyanro mantrakga sam nam japyan lahai lachh ghani.
1. varddhan shasan rai manhi, pragatya Bhikshu svami. Jin marang dipayo jyanron nam dharatal nami..
2. marudhar desh kantaliy grame shah balluji sohe. dipande nari sukhkari sajan ra man mohe..
3. sinh svan sut jayo sundar bhikshu nam kahayo. dravya-charan raghunath hath le agam anugam payo..
4. samkit charan: ansh nahin dekhyo agam re anusaro. bat vichari dvavya-Guru ne samjhaya bahubaro..
5. pin nahin mani bat guru to tada ter Muni sange. dravya-guru nai chhodi nikakya man men ati ucharnge..
6. ashtashash satrai sanvatsar gram kelbai varu. shukla apashadh purnima divse li diksha sukhkaru..
7. ajna anukampa vrat-avrat bhed vividh kar sodhya. dan-daya that pragat dikhai bhuri bhavya pratibodhya..
8. vividh granth rachna rach Swami vividhbandh mayarda. shasan-ninv jamai jabri ani chit ahalad..
9. vichastha Prabhu upagar karan-hit janapad desh majhari.. anukram: sapta shraman sanghate aya pur siriyari..
10. shravan mase dasta rog tanu to pin sahas bhare. pur bahir panchmi gochri Swami svayam padhare..
11. parva pajusan shukla choth din shrimukh shabda ucharyon. chya: janan ra sajh thaki main sudho sanyam pachhyo..
12. bharimalal nai bali khetsi tokarji harnath. suvnitan shir-shekhakhar chyaru pabhnai svaminath..
13. bharimalji nai pat thapya di shiksha suvishesh. sagla in ri an aradho avichal atal ashesh..
14. jinyan janta ha tum mujh ne tim janon gurumal. bhedbhav tilmat m jano jai Guru-vach suvishal..
15. sagla sant-sati mil rahijyo rakho het apar. dekh-dekh ne diksha dijyon di shiksha gandhar..
16. chhamachchhari pancham din prabhuji var upavas karayo.. chhattha divas bali kiyo parno pin nahin anna jarayo..
17. im hij satam atham divse alpa ashan kari svam. tyag kiya bali navmi din pin imahij gan gundham..
18. dashmi tithi ne bharimalji arja kari bahu bar. mahar kari nai param pujya Guru layo mujhakar syun a'r..
19. ginti kar dash moth taliraya, bali chaval chalis. lei tyag karaya tatkhin mabhikshu shasan-ish..
20. gyasasnai upavas kiyo gani amal' nir agar. tim belon baras tithi kidho taj dehi ri sar..
21. chhod shamli hat pujyaji pakki . hat padharai. tam brahmachari Muni avi yun mukh shabda ucharai..
22. pudgal hinan padta disai svam suni a ban. tedi lyavo bharimal ne tab aya gunkhan..
23. namotthu nam unche svarauchari svam kiyo santhar. var sanveg saras ras ani pachakhya tinun a'r..
24. gan manhi athava gan bahir saglan syun. inavar. khamat-khamna hojyo mharan im mukh shabda uchar..
25. teras sava por din chadhiyo nij-kar pidho nir ik muhurat anuman huyan im vachan vade badvir..
26. sadhu avai-samha javo bali shramni pin avai vachan apurva svam mukh ra sun icharajajan-jan thavai..
27. log kahai Swami man rahiyo shish shishni re mahnyo. itale muhutat ek asare sadhu-oyugal tihan ayo..
28. veniram visheshe ayo kushalli bali sath vanna kartan param pujya Guru didho mastak hath..
29. italai murhutta doy-asare sati-singhado ayo. jan kahai avadhi jnan upano vismay adhiko payo..
30. ke koi atakal syun Prabhu akhyo ke nij buddhi praman ke koi avadhijnan upano jan rahadya jag-bhan..
31. Muni janyo munipti nai podhyan bela hui prakam betha karan huve marji to de hunkaro svam..
32. bethakar Muni pithe betha kai ghanan gunagram. dhanya ganadhip Bhikshu Swami samya bahujan kam..
33. sud teras tith shesh rahadyo din, dodh por anuman sahu dekhtan pujya param Guru tatkhin chhodya pran..
34. sapta prahah sandharo ayo man bhayon ganiray svarga sidhayo suyash badhayo sakal bhavan rai many..
35. bhikshu pat gurumal virajain tij pat karishiray pat chaturthe jit jabar ati shasan-shobh badhay..
36. pancham Maghava ganivar rajai Maghava sam jas tej. manaklal, dal tasu pate nirakhyan upajai hej..
37. ashtam pat shasan-pratipalu. dinadyalu svam Kalu param kripalu o to payo jag men nam..
38. uganise teranun. varsha. Bhikshu-charamakalyan. gangapur chihu tirath bhechhtha mochchhab ro mandan..
39. panchbis var shraman suhaya shramni sattais. bhikshushasan nandanavan men sukh mane nish-dis..