भोर समै भजूं भिक्षुगणी,
Bhor Samai Bhajun Bhikshugni,
494
भोर समै भजूं भिक्षुगणी, — Lyrics
भोर समै भजूं भिक्षुगणी, रदूं भिक्षुगणी। भिक्षुणणी म्हारै मुकुटमणी
१. समरूं गुरु भिक्खण रो नाम, वा समर गुरु भिक्खण काम। अथवा समखूं कृत करणी।।
२. भिक्खण नाम बड़ो अभिराम, भिक्खण नाम हृदय-विश्राम। सरल शुभंकर शिव-सरणी।।
३. नाम करूं क्षण आत्माराम, वर्णवस्यूं गुरुवर कृत काम। स्थिर-चित सुणल्यो सयल गुणी।।
४. राजनगर रो काम उदग्र, साथो श्रावक-वर्ग समग्र दिल अव्यग्र यथा धरणी।।
५. दोय वरस चरचा गुरु पास, नहिं निज अरचा री अभिलाष। है स्याबाश बललूज भणी।।
६. प्रतिभा रो अप्रतिम उजास, आता अलौकिकता आभास। विश्व विकास यथा द्युमणी।।
७. सरधा रो बेजोड़ निचोड़, नहिं कोइ रंच रह्यो झकझोड़। पड़सी सबने स्वीकरणी।।
८. शासन-मन्दिर री दीवाल, निज आशय ज्यूं की सुविशाल। ऊंडी नींव अतीव घणी।।
९. वरमरयाद लोहमय बीम, ढोला ढाल नियममय नीम। मति-संकलना कछी बणी।।
१०. चित्र-विचित्र भान्त दृष्टन्त, सुगुरुरजा सुख-सज्जा शान्त। सोवै सुख स्यूं मुनि-श्रमणी।।
११. धार्मिक जग सारो इक ओर, तो पिण कीन्हो काम कठोर। और इस्यो न जण्यो जणणी।।
१२. करणी करणी पड़सी याद, दीपांगजं। री धर आह्लाद। धारयो देही उद्धरणी।।
१३. ताण आत्म तपस्था ताप, प्रारम्भ्यो भूतत आताप। बतका नहिं जाबै वरणी।।
१४. पुनरपि प्रेरित जन समझास, पुरुषार्थी रो प्रबल प्रयास। कति वारां निशि जागरणी।।
१५. अन-पाण री कुण-सी छाण, सांसे में रहता निज प्राण। संगे नहिं बहु शिष-शिषणी।।
१६. श्रमणोपासक रो समुदाय, सुणता पढ़ता आगम मांय। आज न आंख्यां है निरणी।।
१७. वर्ष सतंतर री वय वाम, नहिं स्थिरवासी एकण ग्राम। विचस्थया नित जिम नभन्तरणी।।
१८. यावज्जीव लियो संथार, तिण मांही कियो अद्भुत कार। कौतुक सुण गुरु-वागरणी।।
१९. जैन धर्म रो जाझो झण्ड, मेट्यो शिधिलाचार अफण्ड। भवदधि तारण तूं तरणी।।
२०. साठे भाद्रव सित शुभ याम, तेरस तिथि साध्यो सुरधाम। चरमोसव चर्या चरणी।।
२१. पटधर भारमल्ल, ऋषिराय, जय मघ माणक डाल सुहाय। कालू मूरति मनहरणी।।
२२. उगणीसे अट्ठाणव. साल, राजाणा पावस रो काल। तरग्या, तरसी वैतरणी।।
२३. तीस मुनी अश्रमणी पच्चास, 'तुलसी' माने परमोल्लास। नहिं चूके गुरुआण अणी।।
Roman Transliteration
bhor samai bhajun bhikshugni, radun bhikshugni. bhikshunni mharai mukutamni
1. samrun Guru bhikkhan ro nam, va samar Guru bhikkhan kam. athava samkhun krit karni..
2. bhikkhan nam bado abhiram, bhikkhan nam hriday-vishram. saral shubhankar shiv-sarni..
3. nam karun kshan atmaram, varnavasyun guruvar krit kam. sthir-chit sunalyo sayal guni..
4. rajanagar ro kam udagra, satho shravak-varga samagra dil avyagra yatha dharni..
5. doy varas charcha Guru pas, nahin nij aracha ri abhilash. hai syabash balluj bhani..
6. pratibha ro apratim ujas, ata alaukikta abhas. vishva vikas yatha dyumni..
7. sardha ro bejod nichod, nahin koi ranch rahyo jhakjhod. padsi sabne svikarni..
8. shasan-mandir ri dival, nij ashay jyun ki suvishal. undi ninv ativ ghani..
9. varamaryad lohamay bim, dhola dhal niyamamay nim. mati-sankalna kachhi bani..
10. chitra-vichitra bhanta drishtanta, sugururja sukh-sajja shanta. sovai sukh syun Muni-shramni..
11. dharmik jag saro ik or, to pin kinho kam kathor. aur isyo n janyo janni..
12. karni karni padsi yad, dipangajn. ri dhar ahlad. dharyo dehi uddharni..
13. tan atma tapastha tap, prarambhyo bhutat atap. batka nahin jabai varni..
14. punarpi prerit jan samjhas, purusharthi ro prabal prayas. kati varan nishi jagarni..
15. an-pan ri kun-si chhan, sanse men rahta nij pran. sange nahin bahu shish-shishni..
16. shramnopasak ro samuday, sunta padhta agam many. aj n ankhyan hai nirni..
17. varsha satantar ri vay vam, nahin sthirvasi ekan gram. vichasthaya nit jim nabhantarni..
18. yavajjiv liyo santhar, tin manhi kiyo adbhut kar. kautuk sun Guru-vagarni..
19. Jain Dharm ro jajho jhanda, metyo shidhilachar aphanda. bhavaddhi taran tun tarni..
20. sathe bhadrav sit shubh yam, teras tithi sadhyo surdham. charmosav charya charni..
21. patadhar bharamalla, rishiray, jay magh Manak dal suhay. Kalu murti manaharni..
22. uganise atthanav. sal, rajana pavas ro kal. taragya, tarsi vaitarni..
23. tis muni ashramni pachchas, 'Tulsi' mane parmollas. nahin chuke guruan ani..