भूलो मन भमरा कांई भम्यो
Bhulo Man Bhamra Kani Bhamyo
507
भूलो मन भमरा कांई भम्यो — Lyrics
भूलो मन भमरा कांई भम्यो
भूलो मन भमरा काई भ्यो, भमियो दिवस ने रात। माया रो लोभी प्राणियो, मरने दुरगति जात।।१।।
केहनां छोरू रे केहना बाछरू, केहना माय नै बाप। ओ प्राणी जासी एकलो, साथे पुण्य ने पाप।।२।।
आशा तो डूंगर जेहड़ी, मरणो परल्यां रे हेट। धन संची रे संची काई करो, करो जिनजी री भेट।।३।।
उलट नदी मारग चालवो, जायवो पेलै रे पार। आगल नहीं हटबाणियो, संबल लीजै रे लार।।४।।
मूरख कहै धन मांहरो, ते धन खरचै न खाय। वस्त्र बिना जाय पोढ़ियो लखपति लकड़ा रे मांय।।५।।
धन्धो करी धन जोडियो, लाखां ऊपर कोड़। मरण री बेला मानवी, लेसी कंदोरो तोड़।।६।।
लखपति छत्रपति सहु गये, गये लाख वे लाख। गरब करि गोखै बेसता, जल बल होय गई राख।।७।।
म्हांरो रे म्हांरो कर रह्यो, थारो नहीं रे लिगार। कुण थारो तू केहनो, जोवो हिवडै विचार।।८।।
महम्मद कहे समझो सहु, सबल लेजो रे साथ। आपणो लाभ उबारियै, लेखो साहिब हाथ।।९।।
(लय : हिवै राणी पदमावती)
Roman Transliteration
bhulo man bhamra kani bhamyo
bhulo man bhamra kai bhyo, bhamiyo divas ne rat. maya ro lobhi praniyo, marne duragti jata..1..
kehnan chhoru re kehna bachhru, kehna may nai bap. o prani jasi ekalo, sathe punya ne papa..2..
asha to dungar jehdi, marno paralyan re het. dhan sanchi re sanchi kai karo, karo jinji ri bheta..3..
ulat nadi marag chalvo, jayvo pelai re par. agal nahin hatbaniyo, sambal lijai re lara..4..
murakh kahai dhan manhro, te dhan kharchai n khay. vastra bina jay podhiyo lakhapti lakda re manya..5..
dhandho kari dhan jodiyo, lakhan upar kod. maran ri bela manvi, lesi kandoro toda..6..
lakhapti chhatrapti sahu gaye, gaye lakh ve lakh. garab kari gokhai besta, jal bal hoy gai rakha..7..
mhanro re mhanro kar rahyo, tharo nahin re ligar. kun tharo tu kehno, jovo hivdai vichara..8..
mahammad kahe samjho sahu, sabal lejo re sath. apano labh ubariyai, lekho sahib hatha..9..
(lay : hivai rani padmavati)