धनजी-शालीभद्र
Dhanji-Shalibhadra
645
धनजी-शालीभद्र — Lyrics
धनजी-शालीभद्र
सूरां नै लागै वचन ज्यूं ताजणो। कायर नैं लागै नहीं कांय, सांभल हो सुरता।।
नगरी तो राजग्रही नां वासीया, सेठ धन्नो जी जग में सार। पूरव पुन्य स्यूस्यूं ऋद्धि पामीया, आठ नार्या रा भरतार।।१।।
एक दिन धनजी बैठा पाटले, स्नान करै तिण वार। आठूं ही नार्यां मिलकर प्रेम स्यूस्यूं, कूढ़ रही छै जल नीं धार।।२।।
सुभद्रा हो नारी चौथी तेहनीं, मन में थई छै दिलगीर। आंसू तो निकल्या तेहनां नैण सूं, कामण क्यूं थई रे अधीर।।३।।
शंका मत राखो मुझ आगले, कारण कहो नीं विमास। आवेला आनन्द उल्लास नों, देखो कर अन्तर उजास।।४।।
कामण कहै हो कंथा माहेरा, बंधव नै चढ़ियो बैराग। इक-इक नारी नित की परिहरै, संयम लेवा री धुन रही लाग।।५।।
धनजी कहे हो भामण बावली, कायर छै थारो वीर। संयम लेणो जु मन में धारियो, फिर किम करत आ ढील।।६।।
कामण कहै हो कंथा मांहरा, मुख सू बणाओ फोगट बाच। ओ सुख छोड़ी नै बाजो सूरमा, जद ही जाणांला प्रीतम साच।।७।।
इतरा में धनजी उठी बोलियो, कामण रहिज्यो म्हांस्यूं दूर। संयम लेवांला इण हिज अवसरे, जद ही बाजांला जग में सूर।।८।।
(लय : महिलां में बैठी हो राणी कमलावती)
बे कर जोड़ी मैं सुन्दर वीनवै, कह्यो हांसी के वश बोल। हांसी की साची न कीजै साहिबा! हिवड़े विचारी नैं बाहर खोल।।९।।
संयम लेणो हो प्रीतम सोहिलो, चालणो कठिन विचार। बावीस परीषह सहिंणा दोहिला, ममता मारी नें समता धार।।१०।।
उत्तर-पडउत्तर हुआ अति घणा, आया शाला रै भवन उच्छाव। संयम दोई साधै आदरां, उतरी नैं कायर नीचो आव।।११।।
साला बहनोई संयम आदरूयो, वीर जिणन्दजी के पास। शालिभद्रजी सर्वार्थसिद्ध गया, धन्नोजी शिवपुर वास।।१२।।
Roman Transliteration
dhanji-shalibhadra
suran nai lagai vachan jyun tajno. kayar nain lagai nahin kany, sambhal ho surta..
nagri to rajagrahi nan vasiya, seth dhanno ji jag men sar. purav punya syusyun riddhi pamiya, ath narya ra bhartara..1..
ek din dhanji baitha patle, snan karai tin var. athun hi naryan milakar prem syusyun, kudh rahi chhai jal nin dhara..2..
subhadra ho nari chauthi tehnin, man men thai chhai dilgir. ansu to nikalya tehnan nain sun, kaman kyun thai re adhira..3..
shanka mat rakho mujh agale, karan kaho nin vimas. avela ananda ullas non, dekho kar antar ujasa..4..
kaman kahai ho kantha mahera, bandhav nai chadhiyo bairag. ik-ik nari nit ki parihrai, sanyam leva ri dhun rahi laga..5..
dhanji kahe ho bhaman bavli, kayar chhai tharo vir. sanyam leno ju man men dhariyo, phir kim karat a dhila..6..
kaman kahai ho kantha manhra, mukh su banao phogat bach. o sukh chhodi nai bajo surma, jad hi jananla pritam sacha..7..
itara men dhanji uthi boliyo, kaman rahijyo mhansyun dur. sanyam levanla in hij avasre, jad hi bajanla jag men sura..8..
(lay : mahilan men baithi ho rani kamlavati)
be kar jodi main sundar vinvai, kahyo hansi ke vash bol. hansi ki sachi n kijai sahiba! hivde vichari nain bahar khola..9..
sanyam leno ho pritam sohilo, chalno kathin vichar. bavis parishah sahinna dohila, mamta mari nen samta dhara..10..
uttar-padauttar hua ati ghana, aya shala rai bhavan uchchhav. sanyam doi sadhai adaran, utari nain kayar nicho ava..11..
sala bahnoi sanyam adaruyo, vir jinandaji ke pas. shalibhadraji sarvarthasiddha gaya, dhannoji shivpur vasa..12..